Yohana 6:46 - Maləmce Məfele mala Ɓakuli: Kurcau Məbəshe

⁴⁶ “Mǝnia ka pa aban lǝmndǝ ama, ɓe kǝ ɓwamǝpǝnde ka sǝnǝna Ɓakuli ɗang; kǝ mim ɓwa mǝnana pur nǝban Ɓakuli ka, nda kǝ mana sǝn Ɓakuli Tarrû ka.

Yohana 6:46 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 1:18

Kǝ ɓwa sǝn ma Ɓakuli àkǝ̀ pwari ɗang, she kǝ Muni mǝnana à nda mwashat andǝ yi, sǝ nda a nkanggari ka. Yì na tsǝa sǝ sǝm surǝ Tarrí ka.

Yohana 14:7

Ɓǝ̀ wu surǝna rǝam ngga, wu surǝna rǝ Tárram. Sǝ twal ado aban ká a dǝmbǝa ka wu surǝna rǝì, sǝ wu sǝnǝ nǝi.”

Yohana 15:24

Ɓǝ̀ ǝn pakki ma agir mǝnana kǝɓwa malaká pea aɓalǝia raka, ɓǝ a pà nǝ̀ kumia nǝ cauɓikea ɗang. Sǝ ado ka à sǝnǝna amǝnia yì agir-ndali ǝn pea ka, sǝ kat andǝ mǝno ka, à ɓinǝ mǝsǝam sǝnǝ Tárram.

Yohana 5:37

Sǝ Tárram mǝnana tasǝam ngga náná kunam. Wu malaká ok gi àkǝ̀ pwari ɗang, sǝ wu malaká sǝn ɓamǝsǝi gbal ɗang.

Yohana 7:29

Mim ngga ǝn surǝì, acemǝnana abani sǝ ǝn puro, sǝ yì nǝ̀ turam.”

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

Amǝ Kolosi 1:15

Kǝrǝsti ka nda ɓwa mǝnana à kǝ sǝni, mana lǝmndǝ Ɓakuli mǝnana à kǝ sǝni raka. Kaniama Ɓakuli nǝ̀ pusǝ agirbunda kat ka, yì ka, ndakam ata Ɓakuli kǝla Muna-dǝmbǝa male, sǝ ndanǝ gulo karmur agir kat mǝnana Ɓakuli pusǝia ka.

1 Timoti 6:16

Kǝ yì mwashat, nda mǝnana pà nǝ̀ wu raka, sǝ ban-do male ka, nda aɓa tǎlaban mǝcande mana kǝɓwa pà nǝ̀ gandǝ sungŋo abani raka. Kǝ mǝsǝu malaká sǝni ɗang, sǝ kǝ ɓe pà kàm nǝ̀ sǝni ɗang. Abani kat, sǝ gulo andǝ rǝcandǝa mǝnana málá male pà kàm raka, pa! Amin.

1 Yohana 4:12

Kǝɓwa malaká sǝn Ɓakuli àkǝ̀ fara ɗang. Sǝa ma ɓǝ̀ sǝm lǝmndǝì arǝ sǝm earcearǝu ka, Ɓakuli na aɓalǝ sǝm, sǝ earcearǝu male lumsǝna aɓalǝ sǝm.