Yohana 6:41 - Maləmce Məfele mala Ɓakuli: Kurcau Məbəshe

⁴¹ Ace mǝno yì cau ka aɓwana-mǝgule mala amǝ Yahudi tita nggwani acemǝnana Yesu bangŋa ama yì ka, nda girlina mǝnana sulǝ nǝ kuli ka.

Yohana 6:41 ပူးပေါင်းရင်းမြစ်များ

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 19:7

Ɓwapǝndǝa mǝnana kat sǝn mǝnia ka, tita nggwani ama, “Ɓwabura man ngga kya sulǝna a ɓala mala mǝ'cauɓikea!”

Luka 5:30

Sǝ aɓea amǝ Farisi andǝ amalǝm Nggurcau malea nggwani aban alaggana mala Yesu ama, “Palang sǝ wu kǝ lili, wu kǝ nuki agir wunǝ amǝ'ak boalo-cemi andǝ amǝ'cauɓikea, aɓwana mǝnana à kǝ kpata Nggurcau mala Musa raka.”

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 6:33

Girlina mǝ'mǝsǝcau nì mǝnana Ɓakuli pākiyi ka nda Ɓwa mǝnana sulǝ nǝ kuli sǝ kǝ pe ɓanza yilǝmu ka.”

Yohana 6:43

Pǝlǝa Yesu earia wia ama: “Wu ɗeki nggwani a rǝarǝ wun.

Yohana 6:48

“Mǝ nda girlina mala yilǝmu.

Yohana 6:58

Mǝnia ka nda girlina mǝnana sulǝ nǝ kuli ka. Pà kǝla ‘Manna’ mǝnana aká wun li sǝ nǝ nzǝmo ka à yì wuki ka ɗang. Sǝ ɓwa mǝnana li nyam nggūrǝam ngga pà nǝ̀ wu ɗang, nǝ̀ kum yilǝmu mǝnana pà nǝ̀ mal raka.”

Yohana 6:60

Amǝkpate pas ok man yì cau ka sǝ à na ama, “Man yi kanigir ka kwanǝna, yana nǝ̀ gandǝ é?”

Yohana 6:66

Ace cau mǝnana Yesu na ka, twal àkǝ̀ pwari mǝno ka, amǝkpate pas nyari te, à o à ɗeki.

Yohana 7:12

Aɓwabunda kǝ na cau nggùr-nggùr amur Yesu. Aɓea ɓwana ama, “Yì ka, ɓwa mǝɓoarne na.” Sǝ aɓea ɓwana gbal ka ama, “Awo, yì ka, mǝswarkiban na.”

1 Amǝ Korinti 10:10

Ɓǝ̀ sǝm ngga nggwani, kǝla mǝnana aɓea aɓwana atea pa, sǝ Mǝturonjar mala lú, yi twaltea ka ɗang.

Yahuda 1:16

Amǝnia yì aɓwana ka, amǝ sǝn ɓwarkio mala aɓwana na andǝ amǝ'nggwani, à kǝ pakki agir mǝɓike mǝnana kat à earkiyice ka. Yia ka, amǝ nggori na, andǝ amǝ'swarban nǝ kunɓoarna ace kum gir mǝnana à earkiyice ka, a bu aɓwana.