Yohana 6:27 - Maləmce Məfele mala Ɓakuli: Kurcau Məbəshe

²⁷ Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

Yohana 6:27 ပူးပေါင်းရင်းမြစ်များ

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 25:46

Pǝlǝa amǝnia ka à nǝ̀ tasǝia ɓǝa kutio aɓa tanni mana málá male pà kàm raka, sǝ amǝ'cauɓoarna ka à nǝ̀ kutia ɓa yilǝmu mana masǝlǝate pà kàm raka.

Matiu 3:17

Aɓwana ok gi Ɓakuli nacau a kuli ama, “Mǝnia ka nda Munem, mǝnana ǝn earkiyice, mǝnana bumam kǝ pwasǝa rǝì kǝrkǝr ka.”

Matiu 6:19

Wu kǝa rambǝi ɓamur rǝ wun gǝna a kani a ɓanza ɗang, yì ban mǝnana a kàm ngga nkungga andǝ sásà nǝ̀ kiɗiki, sǝ amǝn'i nǝ̀ ɓun kam à nǝ̀ kutio à nǝ̀ pwani ka.

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Markus 1:11

Gi Ɓakuli pur nǝ kuli na ama, “A nda Munem mǝnana ǝn earkiyi ace raka, mǝnana ban kǝ ɓoaram a rǝì ka.”

Markus 9:7

Pǝlǝa pǝrɓang puro yi gir muria. Gi Ɓakuli pur nǝ ɓa pǝrɓang ama, “Mǝnia ka nda Munem mǝnana ǝn earkiyi ace raka. Wu oki wi.”

Luka 3:22

Bangŋo Mǝfele sulǝ amuri nǝ nggunrǝu kǝla kutu. Gi Ɓakuli pur nǝ kuli na ama, “A nda Munem mǝnana ǝn nggǝ earceo ka, ban kǝ ɓoaram a rǝo kǝrkǝr.”

Luka 9:35

Gi Ɓakuli pur nǝ ɓa pǝrɓang na ama, “Mǝnia ka Munem na, nda mǝnana ǝn tarì ka, wu kwaki kir wun a rǝì.”

Yohana 10:28

Ən nggǝ pea wia yilǝmu mǝnana málá male pà kàm raka, sǝ à pà nǝ̀ kiɗiki à nǝ̀ ueɓà ɗang. Kǝɓwa pà nǝ̀ fea a buam ɗang.

Yohana 11:42

Ən sǝlǝna nǝma ko aya pwari ka a kǝ oem, sǝ ado ka ǝn na mǝnia yì cau ka ace aɓwana man kani ka, ace mǝnana ɓǝa ear ama a nǝ̀ turam.”

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 15:24

Ɓǝ̀ ǝn pakki ma agir mǝnana kǝɓwa malaká pea aɓalǝia raka, ɓǝ a pà nǝ̀ kumia nǝ cauɓikea ɗang. Sǝ ado ka à sǝnǝna amǝnia yì agir-ndali ǝn pea ka, sǝ kat andǝ mǝno ka, à ɓinǝ mǝsǝam sǝnǝ Tárram.

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Yohana 3:15

acemǝnana koya ɓwa mǝnana kat pa ɓamuri abani ka ɓǝ̀ kum yilǝmu mǝnana málá male pà kàm raka.

Yohana 3:33

Sǝ ɓwa mǝnana kat ak cau male ka earǝna ama cau mala Ɓakuli ka mǝsǝcau na.

Yohana 6:40

Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”

Yohana 6:47

Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Yohana 6:53

Yesu banggia wia ama: “Mǝ nda ban bangga wun mǝsǝcau, ɓǝ̀ wu li nyam nggurǝ Muna mala Ɓwa sǝ wu nu nkile raka, wu pànǝ yilǝmu aɓalǝ wun ɗang.

Yohana 6:54

Ɓwa mǝnana kat li nyamam sǝ nu nkilem ngga, ndanǝ yilǝmu mǝnana málá male pà kàm raka, sǝ mǝ nǝ loasǝi nǝ yilǝmu a masǝlǝata apwari.

Yohana 6:58

Mǝnia ka nda girlina mǝnana sulǝ nǝ kuli ka. Pà kǝla ‘Manna’ mǝnana aká wun li sǝ nǝ nzǝmo ka à yì wuki ka ɗang. Sǝ ɓwa mǝnana li nyam nggūrǝam ngga pà nǝ̀ wu ɗang, nǝ̀ kum yilǝmu mǝnana pà nǝ̀ mal raka.”

Yohana 6:62

Mana nǝ̀ duk ɗenyicau ma'wun yi mǝnana ɓǝ̀ wu sǝn Muna mala Ɓwa aban o a kuli aban mǝnana pur kam ngga?

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Yohana 8:18

Sǝ mim ngga, ǝn nakun ɓamuram, sǝ Tárram mǝnana tasǝam ngga nakunam gbal.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 2:22

Wun amǝ Isǝrayila, wu kwaki kir wun, wu ok acau man. Yesu ɓwa Nazarat ka, ɓwa na mǝnana Ɓakuli earnǝi, sǝ lǝmndǝ ama yì nǝ̀ turi ka, sǝ pe wi rǝcandǝa mala pakki agir-ndǝlǝki andǝ agir-gyambǝliban, andǝ agir-lǝmndǝa amǝgulke. Wun nǝ ɓamur rǝ wun ngga, wu sǝlǝna, acemǝnana akani aɓalǝ wun, àkǝ̀ mǝsǝ wun sǝ pea.

Amǝ Roma 4:11

Yì kasǝ-ɓatau mǝnana à kasǝi Ibǝrayim ngga nda gir mǝnana lǝmndǝ ama, nǝ́ paɓamuru male aban Ɓakuli ka, Ɓakuli earǝna angŋǝni, ama yì ka, mǝ'cauɓoarna na abani, sǝ à yì kasǝi wi ɓate. Ace mani ka, Ibǝrayim nda tar aɓwana kat mǝnana à pà ɓamuria aban Ɓakuli sǝ Ɓakuli kǝ ea amǝ'cauɓoarna na, kat andǝ amani ama à kasǝia wia ɓatea raka.

Amǝ Roma 6:23

Tangnakusǝ cauɓikea ka, lú na, sǝ ɓoro mala Ɓakuli ka, nda yilǝmu mǝnana málá male pà kàm raka, nǝ bu Kǝrǝsti Yesu Mǝtala sǝm.

1 Amǝ Korinti 6:13

“Girlina ka nda ace bum, sǝ bum ngga nda ace girlina.” Sǝ yia kǝm ngga Ɓakuli nǝ̀ kiɗikia. Nggūrǝu ka pà ace do kìɗìkì mala nonggi nǝ rǝarǝu ɗang, nda ace pakki Mǝtalabangŋo turo; sǝ Mǝtalabangŋo ka kǝ ɗenyi nǝ nggūrǝu.

1 Amǝ Korinti 9:2

Ko ɓǝ̀ ndo ama aɓea aɓwana em ama mǝ nda mǝ'mishan raka, dumǝna ama wun ngga, wu nǝ̀ em! Acemǝnana wun ngga, wu nda ka gir'lǝmndǝa aɓa mǝsǝcau mala turo mishan mem aban Mǝtalabangŋo.

2 Amǝ Korinti 4:18

Agir mǝnana à kǝ sǝnia nǝ mǝsǝu ka, à kǝ sau ɗang, sǝ agir mǝnana à kǝ sǝnia nǝ mǝsǝu raka, málá malea pà kàm ɗang. Nda gir mǝnana tsǝa sǝ sǝm nggǝ soa mǝsǝ sǝm arǝ agir mǝnana à kǝ gandǝ sǝnia raka.

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Filipi 2:13

Ɓakuli ka, nda rǝ pak turo aɓalǝ wun, ɓǝ̀ pà wun rǝcandǝa andǝ ɓabum mala pak gir mǝnana nǝ̀ pwasǝbumi ka.

Amǝ Kolosi 1:29

Ace mani ka ǝn nggǝ pak turo, ǝn nggǝ ɓariki kǝrkǝr, nǝ guli arǝ rǝcandǝa mǝgule mala Kǝrǝsti mǝnana pakkiyi turo a ɓalǝam ngga.

Amǝ Kolosi 2:22

A'ulang amǝnia yì anggurcau ka, kǝ akanigir mala ɓwapǝndǝa na amur agir mǝnana, aɓa pakturo nǝia ka, à pà nǝ̀ sau ɗang à nǝ̀ kiɗiki ka.

Amǝ Kolosi 3:2

Ɓǝ̀ ɗenyicau ma'wun ɓǝ̀ o amur agir mǝnana a kuli ka, ɓǝ̀ kǝa nyare amur agir mǝnana a nzali ka ɗang.

1 Amǝ Tasalonika 1:3

Aɓa hiwi ma'sǝm amur wun aban Ɓakuli ma'sǝm yì Tarrú ka, sǝm nggǝ ɗenyi nǝ pé ma'wun aɓa paɓamuru, andǝ earcearǝu ma'wun mǝnana tsǝa wu pakturo kǝrkǝr, andǝ came mala tsǝkɓalǝu ma'wun arǝ Mǝtala sǝm Yesu Kǝrǝsti.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Amǝ Ibǝru 12:16

Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.

Amǝ Ibǝru 4:11

Ace mani ka, ɓǝ̀ sǝm ɓariki, ɓǝ̀ sǝm kutio a mǝno yì usǝlǝo ka. Sǝ ɓǝ̀ sǝm mgbiki Ɓakuli kiru, kǝla mǝnana amǝ Isǝrayila pak ka, pa sǝm nǝ̀ kuti kam ɗang.

Jemis 1:11

Ɓǝ̀ pwari ta ka, kǝ pisǝ abondo sǝ pwasǝia kǝ sukkio, ɓoarjam malea kǝ kiɗìkì. Anggo gbal, mǝkume nǝ̀ ueɓà andǝ aturo male.

1 Bitǝrus 1:24

Amur mǝnia ka, à gilǝ ama, “Ɓwapǝndǝa kat ka, à nda kǝla bondo, aɓoarɓwa malea kat ka, à nda kǝla apwasǝo-bondo; bondo kǝ wuli, sǝ pwasǝe kǝ kpa,

2 Bitǝrus 1:17

Sǝm nda kam à kǝ banì mǝnana Ɓakuli Tarrû pe wi ɓoarɓwa andǝ gulo, pǝlǝa gi Ɓakuli pur nǝ ɓa mǝno yì tâ mǝgule mala ɓoarɓwa ka, yiu abani ama, “Mǝnia ka, nda Munem mǝnana ǝn nggǝ earce ka, kǝ pwasǝ bumam kǝrkǝr.”