Yohana 6:26 - Maləmce Məfele mala Ɓakuli: Kurcau Məbəshe

²⁶ Yesu earia wia ama, “Mǝ nda ban na wun mǝsǝcau, wu pà aban altam acemǝnana wu sǝn agir-ndǝlǝki ka ɗang, nda ace girlina mǝnana wu li wu ɗǝmnggi ka.

Yohana 6:26 ပူးပေါင်းရင်းမြစ်များ

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 6:14

Lang aɓwana mǝno nǝ sǝn gir'gyambǝliban mǝnana Yesu pe ka, à na ama, “Mǝsǝcau, mǝnia yì ɓwa ka nda mǝɓangna mala Ɓakuli mǝnana sǝm kundǝkiyi yiu male a ɓanza ka!”

Yohana 6:15

Sǝ lang Yesu yi sǝlǝna ama, à ndo à nǝ̀ yia bwali à nǝ̀ ci ɓǝ̀ dupia wia murǝm púp ka, pǝlǝa nyar zàng amur nkono nǝmurǝì.

Yohana 6:2

Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Yohana 6:24

Lang ɓwabunda sǝni ka Yesu andǝ alaggana male pà abanì raka, à kutiki aɓalǝ awaru mǝno sǝ à o a Kapanahum, aban alta Yesu.

Yohana 6:30

À ɗi Yesu ama, “Sǝ, ya ulang gir pa-ndǝlǝki na a nǝ pa ace mǝnana ɓǝ̀ sǝm sǝni sǝ ɓǝ̀ sǝm earnǝ we ka? Mana a wu nǝ pa?

Yohana 6:36

Sǝ ado ka ǝn bangga wun ama wu sǝnǝ nam nǝ amǝsǝ wun sǝ kat andǝ amani ka wu earnǝ mim ɗang.

Yohana 6:47

Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.

Yohana 6:53

Yesu banggia wia ama: “Mǝ nda ban bangga wun mǝsǝcau, ɓǝ̀ wu li nyam nggurǝ Muna mala Ɓwa sǝ wu nu nkile raka, wu pànǝ yilǝmu aɓalǝ wun ɗang.

Yohana 6:64

Sǝ aɓea aɓwana ata wun ngga à earnǝ cau mem ɗang.” Yesu ka angŋǝna dǝmbǝa surǝna rǝ aɓwana mǝnana à earnǝi raka, andǝ ɓwa mǝnana nǝ̀ ngga me ka.

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

Amǝ Filipi 2:21

Koyan ngga, gir mǝnana ɓabumi earkiyi ce ka nda pakkiyi ka, à tsǝkir turo mala Yesu Kǝrǝsti ɗang.

Amǝ Filipi 3:19

Masǝlǝatea ka, kiɗiki na. Ɓakuli malea nda bumia, agir kǝsǝkya à nda ka agir jali malea, sǝ ɓabumia ka nda amur agir ɓanza.

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.