Yohana 6:2 - Maləmce Məfele mala Ɓakuli: Kurcau Məbəshe

² Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Yohana 6:2 ပူးပေါင်းရင်းမြစ်များ

Matiu 12:15

Yesu yi sǝlǝia wia ka, pǝlǝa nying banì. Aɓwana pas o ate. Amǝkwano mǝnana aɓalǝia ka, Yesu yi twalia wia ban arǝkwana malea kat.

Matiu 13:2

Aɓwabunda mana à yì rambǝa abanì ka à lakki kǝrkǝr gandǝa eauwe do aɓa muna-waru, sǝ aɓwana kat came a kun mur.

Matiu 14:14

Yesu yi kpashi, nǝ̀ eapi waru ka sǝn ɓwabunda kǝrkǝr aban rambǝa. Mǝsǝswatǝr malea pakki wi pǝlǝa twalia amǝkwano mana aɓalǝia ka ban arǝkwana malea.

Matiu 8:1

Lang Yesu sulǝni mur nkono ka, ɓwabunda pas kana ate.

Markus 1:45

Sǝa ma lang purna ka, kara tita mesǝ ce a koya ban ngga. Gir nî tsǝa Yesu gandǝ kutio a ɓe kǝ la a ɓamǝsǝ aɓwana ɗang, ak rǝì arǝ aban mǝnana kǝɓwa pà kàm raka. Kat andǝ amani ka, ɓwapǝndǝa pur a koya ban ngga aban yiu abani.

Markus 6:33

Ɓwapǝndǝa pas mǝnana à sǝnia aban o ka, à surǝia, pǝlǝa à ɓangŋa a kun nggeamur aban ká. Ɓwapǝndǝa puro à koya la ka nǝ kusǝia, à kya kasǝ muria.

Yohana 11:47

Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka!

Yohana 12:18

Gir mǝnana tsǝa sǝ ɓwabunda puro waria kuli Yesu ka, nda acemǝnana à ongŋǝna ama pak mǝnia yì gir'lǝmndǝa ka.

Yohana 12:37

Kat andǝ agir-ndǝlǝki mǝnana lǝmndǝ bu Ɓakuli, mǝnana Yesu pea a ɓadǝmbǝia ka, à pà ɓamuria abani ɗang.

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 2:23

Mǝnana Yesu na a Urǝshalima a pwari Lamsan Yalimuru ka, aɓwana pas à sǝn agir-ndǝlǝki mǝnana pea ka, pǝlǝa à pà ɓamuria abani.

Yohana 20:30

Yesu pakki aɓea agir-ndǝlǝki pas a mǝsǝ alaggana male, mǝnana à gilǝia aɓa malǝmce mǝnia raka.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 6:14

Lang aɓwana mǝno nǝ sǝn gir'gyambǝliban mǝnana Yesu pe ka, à na ama, “Mǝsǝcau, mǝnia yì ɓwa ka nda mǝɓangna mala Ɓakuli mǝnana sǝm kundǝkiyi yiu male a ɓanza ka!”

Yohana 6:22

Ban fana ka, ɓwabunda mǝnana ueo a nkaring mur mǝnana Yesu nyi ka, à yì sǝlǝ ama, kǝ waru na mwashat abanì, sǝ à sǝlǝna ama Yesu eauwe ata alaggana male ɗang, sǝ o malea ka pà atea ɗang.

Yohana 6:26

Yesu earia wia ama, “Mǝ nda ban na wun mǝsǝcau, wu pà aban altam acemǝnana wu sǝn agir-ndǝlǝki ka ɗang, nda ace girlina mǝnana wu li wu ɗǝmnggi ka.

Yohana 6:30

À ɗi Yesu ama, “Sǝ, ya ulang gir pa-ndǝlǝki na a nǝ pa ace mǝnana ɓǝ̀ sǝm sǝni sǝ ɓǝ̀ sǝm earnǝ we ka? Mana a wu nǝ pa?