Yohana 6:14 - Maləmce Məfele mala Ɓakuli: Kurcau Məbəshe

¹⁴ Lang aɓwana mǝno nǝ sǝn gir'gyambǝliban mǝnana Yesu pe ka, à na ama, “Mǝsǝcau, mǝnia yì ɓwa ka nda mǝɓangna mala Ɓakuli mǝnana sǝm kundǝkiyi yiu male a ɓanza ka!”

Yohana 6:14 ပူးပေါင်းရင်းမြစ်များ

Matiu 11:3

ɓǝa kya ɗi ama, “A nda Mǝ'amsǝban mǝnana sǝm kundǝkiyi muri ka le, ko ɓǝ̀ sǝm tsǝk mǝsǝ sǝm arǝ ɓeɓwa ɗang?”

Matiu 21:11

Aɓwabunda ear ama, “Mǝnia ka Yesu na, Mǝɓangna mala Ɓakuli mǝnana pur a Nazarat, a bu-nzali Galili ka.”

Luka 24:19

Pǝlǝa ɗia ma, “A ya gir nani?” À eari wi ama, “Agir mǝnana à kum Yesu Ɓwa Nazarat. Yì ka, mǝɓangna mala Ɓakuli na, sǝ ndanǝ rǝcandǝa aɓa cau andǝ turo a ɓadǝm Ɓakuli andǝ ɓwapǝndǝa kat.

Luka 7:16

Ko yan ngga gir nî karmuri, pǝlǝa à ɓwangsǝ Ɓakuli, à kǝ na ama, “Ɓe mǝɓangna mǝgule pusǝna rǝì aban sǝm. Ɓakuli yina ace amsǝ aɓwana male!”

Yohana 1:21

À ɗi ama, “Sǝ we ka a nda yana? A nda Iliya le?” Yohana earia wia ama, “Awo, mǝ nda yì ɗang.” Sǝ à ɗi ama, “A nda mǝɓangna mala Ɓakuli mǝnana sǝm nggǝ kundǝmuri ka le?” Earia wia ama, “Awo.”

Yohana 11:27

Pǝlǝa Marta eari wi ama, “E, Mǝtalabangŋo, ǝn earǝna nǝ we, ama a nda Kǝrǝsti Mǝ'amsǝban, Muna mala Ɓakuli, mǝnana Ɓakuli bangŋa ama nǝ̀ yiu a ɓanza ka.”

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 4:19

Mɓwame na ama, “Ɓwamǝgule, ǝn nggǝ sǝni kǝla we ka a nda mǝɓangna mala Ɓakuli.

Yohana 4:25

Pǝlǝa mɓwame ne Yesu ama, “Ən sǝlǝna ama, Mǝ'amsǝban mǝnana à kǝ tunǝi ama Kǝrǝsti ka nǝ̀ yiu. Ɓǝ̀ yina ka, nǝ̀ yia mǝnggia sǝm ɓalǝ agir kat.”

Yohana 4:42

Pǝlǝa yia ka à ne mǝno yì mɓwama ka ama, “Ado ka pa ace cau mo sǝ sǝm pà ɓamur sǝm abani ka ɗang, nggearǝ sǝm ngga sǝm ongŋǝni nǝ kir sǝm. Sǝm sǝlǝna ama, aɓa mǝsǝcau ka, yì nda Mǝ'amsǝ ɓanza.”

Yohana 6:2

Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Yohana 6:26

Yesu earia wia ama, “Mǝ nda ban na wun mǝsǝcau, wu pà aban altam acemǝnana wu sǝn agir-ndǝlǝki ka ɗang, nda ace girlina mǝnana wu li wu ɗǝmnggi ka.

Yohana 6:30

À ɗi Yesu ama, “Sǝ, ya ulang gir pa-ndǝlǝki na a nǝ pa ace mǝnana ɓǝ̀ sǝm sǝni sǝ ɓǝ̀ sǝm earnǝ we ka? Mana a wu nǝ pa?

Yohana 7:40

Lang à nǝ̀ ok cau mǝnana Yesu na ka, aɓea ɓwana na ama, “Mǝsǝcau na, mǝnia yì ɓwa ka nda Mǝɓangna mala Ɓakuli mǝnana sǝm kundǝkiyi ka.”

Amǝ Mishan 7:37

Mǝnia ka nda kǝ Musa mǝnana nea amǝ Isǝrayila ama, “Ɓakuli nǝ̀ loasǝ ɓe mǝɓangna male kǝla mim àkǝ̀ ɓalǝ aɓwana ma'wun.”