Yohana 5:42 - Maləmce Məfele mala Ɓakuli: Kurcau Məbəshe

⁴² Sǝ mim ngga ǝn surǝna rǝ wun, ɗǝm ngga ǝn sǝlǝna nǝma wu pànǝ earce Ɓakuli a ɓabum wun ɗang.

Yohana 5:42 ပူးပေါင်းရင်းမြစ်များ

Luka 16:15

Pǝlǝa Yesu nea wia ama: Wu ndaka aɓwana mǝnana wu kǝ lǝmndǝì acili aɓwana ama wu ndaka amǝɓoarne, sǝ Ɓakuli ka surǝna ɓabum wun. Gir mǝnana ɓwapǝndǝa gusǝlǝi kǝrkǝr ka mǝɓeami na aban Ɓakuli.

Yohana 2:25

Yesu pà aban alte ɓǝ̀ kǝɓwa ɓǝ̀ ne wi cau amur ɓwapǝndǝa ɗang, acemǝnana yì nǝ ɓamuri ka surǝna rǝ ɓabum ɓwapǝndǝa.

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Yohana 5:41

Ɓwangsǝban mala ɓwapǝndǝa na ǝn alkite ka ɗang.

Yohana 5:43

Ən yiu aɓa lullǝ Tárram, sǝ wun ngga wu em ɗang, sǝ ɓǝ̀ ɓeɓwa yiu aɓa rǝcandǝa male ka wu nǝ̀ earnǝi, wu nǝ̀ é.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Yohana 8:42

Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Yohana 8:47

Ɓwa mǝnana mala Ɓakuli na ka kǝ kwaki kiri arǝ cau mala Ɓakuli. Sǝ wun ngga wun ndaka mala Ɓakuli ɗang, nda gir mǝnana tsǝa sǝ wu kǝ kwaki kir wun a rǝì raka.

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

Amǝ Roma 8:7

Lǝmndǝ ama aɓwana mǝnana à dum nǝ ɓabum mala kpata nggūrǝu ka, à dumǝna aɓibura mala Ɓakuli; yia ka à kǝ kpata nzongcau mala Ɓakuli ɗang, sǝ aɓa mǝsǝcau ka, à pà nǝ̀ gandǝ kpate ɗang.

1 Yohana 2:15

Ce wu earce ɓanza ko agir mǝnana a ɓanza ka ɗang. Ɓǝ̀ kǝɓwa earce ɓanza ka, earcearǝu mala Ɓakuli Tarrû ka, pà a ɓalǝi ɗang.

1 Yohana 3:17

Ɓǝ̀ kǝɓwa nanǝ agirkuma mala ɓanza man, sǝ sǝn mǝ'eambǝi aɓa tǝle, sǝ ɓinǝ sǝn mǝsǝswatǝr male ka, lang sǝ earcearǝu mala Ɓakuli nǝ̀ pa a ɓabum mǝnia yì ɓwa ka?

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.