Yohana 5:35 - Maləmce Məfele mala Ɓakuli: Kurcau Məbəshe

³⁵ Yohana ka nda kǝla pitǝla mana kǝ earke sǝ kǝ ta ka, sǝ wun ngga wu eare wu nǝ̀ pak banɓoarnado zuku arǝ tǎlaban male.

Yohana 5:35 ပူးပေါင်းရင်းမြစ်များ

Matiu 11:11

Ən nggǝ na wun mǝsǝcau: Ata ɓwapǝndǝa kat ka à malaká ɓǝl kǝɓwa a ɓanza man mǝnana kum gulo kuti mala Yohana Mǝbatisǝma ka ɗang; sǝa ma ɓwa mǝkyauwe kat a Domurǝm mala kuli ka, kuti Yohana nǝ gulo.

Matiu 21:26

Sǝ ɓǝ̀ sǝm bang gbal ama, ‘Pur nǝ ban ɓwapǝndǝa’ ka ɓangciu kǝ pakka sǝm arǝ aɓwana, acemǝnana ɓwapǝndǝa kat sǝlǝna ama Yohana ka mǝɓangna mala Ɓakuli na.”

Markus 1:5

Ɓwabunda pur arǝ acilia ala aɓa nzali Yahudi, andǝ ɓa Urǝshalima aban yiu a sǝne sǝ à nǝ̀ ok hama male. À kǝ bang acauɓikea malea, sǝ Yohana kǝ pakkia wia batisǝma a kun Nggeasala Jodan.

Markus 6:20

Hirǝdus ka, kǝ ɓanggi Yohana; sǝ acemǝnana sǝlǝna ama Yohana ka ɓwa mǝɓoarne na, ɗǝm ngga ɓwa mala Ɓakuli na ka, kǝ yállí, eare ama kǝgir je ɗang. A koya pwari sǝ ɓǝ̀ Yohana bangcau andǝ Hirǝdus ka, ban kǝ ɓiki Hirǝdus kǝrkǝr. Sǝ kat andǝ amani ka, kǝ earce kwaki kiri arǝ Yohana.

Luka 7:28

Ən nggǝ na wun, aɓalǝ aɓwana mǝnana kat à ɓǝlia a ɓanza man ngga, kǝɓwa pà kàm kuti Yohana nǝ gulo ɗang. Sǝa ma ɓwa mǝnana nda mǝkyauwe kat aɓata Domurǝm mala Ɓakuli ka ndanǝ gulo kuti.”

Yohana 6:66

Ace cau mǝnana Yesu na ka, twal àkǝ̀ pwari mǝno ka, amǝkpate pas nyari te, à o à ɗeki.

2 Bitǝrus 1:19

Amur mani ka, sǝm ndanǝ mǝsǝkang-kangŋa mǝnana kuti mǝno ka ama, cau mǝnana amǝ'ɓangna hamnǝi ka mǝsǝcau na. Nǝ̀ dumnǝ ɓoaro, ɓǝ̀ wu tsǝk kir wun a rǝì, kǝla mǝnana wu nǝ̀ tsǝk kir wun arǝ pitǝla mana kǝ tá aɓa pǝndǝa ba kwaro mala ban, sǝ nlero dǝmbari yi tana a ɓabum wun ngga.