Yohana 5:28 - Maləmce Məfele mala Ɓakuli: Kurcau Məbəshe

²⁸ Wu kǝa ndali arǝ man ɗang, pwari na kǝ yiu ka, mǝnana alú mana aɓalǝ aɓembe malea ka, à nǝ̀ ok gi Muna mala Ɓwa

Yohana 5:28 ပူးပေါင်းရင်းမြစ်များ

Yohana 3:7

Kǝa ndali nǝ cau mǝnana ǝn banggo nǝma, ‘Dumǝna púp à nǝ̀ basǝ ɓǝl wun ngga’ ɗang.

Yohana 4:21

Yesu eari wi ama, “Mɓwama, earnǝ cau mǝnana ǝn nggǝ banggo ka. Pwari na kǝ yiu ka mǝnana peri aban Ɓakuli ka, pà nǝ̀ pa amur nkono man ko aɓa Urǝshalima ka ɗang.

Yohana 4:23

Sǝ pwari na kǝ yiu ka, yale pwari nì yina, mǝnana amǝperi mǝ'mǝsǝcau nì nǝ̀ ngga peri aban Ɓakuli nǝ ɓabumia kat nǝ mǝsǝcau. Yia ka à nda ka ulang amǝperi mǝnana Ɓakuli earkiyi cea ka.

Yohana 5:20

Ɓakuli Tarrû ka kǝ earcem mim Muni, sǝ kǝ lǝmndǝam agir mǝnana kat yì nǝ nggearǝì pakkiyi ka. Yale nǝ lǝmndǝam agir mǝgulke mǝnana à kuti man ngga, sǝ wun kat wu nǝ̀ nggǝ ndalǝki.

Yohana 5:25

Mǝ nda ban na wun mǝsǝcau, pwari na ban yiu, yale pwari nì pangŋǝna, mǝnana aɓwana mana alú na ka à nǝ̀ ok gi Muna mala Ɓakuli, sǝ aɓwana mǝnana à o ka, à nǝ̀ long nǝ yilǝmu.

Amǝ Mishan 24:15

Tsǝkɓalǝu mem arǝ Ɓakuli ka mǝ'mwashati na andǝ mǝnana aɓwana man ndanǝi arǝ Ɓakuli ka, ama nǝ̀ loasǝ amǝ cauɓoarna andǝ amǝ cauɓikea a ɓembe.

Amǝ Mishan 3:12

Lang Bitǝrus sǝn ɓwabunda yi ram ka pǝlǝa banggia wia ama: Wun amǝ Isǝrayila, palang sǝ wu kǝ pak ndali, sǝ palang sǝ wu kǝ soa mǝsǝ wun arǝ sǝm? Wu kǝ sǝni kǝla nǝ rǝcandǝa ma'sǝm andǝ cauɓoarna ma'sǝm sǝ mǝnia yì ɓwa ka kǝ gya ado le?

1 Amǝ Korinti 15:22

Kǝla mǝnana koyana ka kǝ wú acemǝnana sǝm kat ka, sǝm nda ka mala Adamu ka, anggo gbal ɓwa mǝnana mala Kǝrǝsti na ka, nǝ̀ kum bǝsa yilǝmu.

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

Sǝna 20:12

Sǝ Ən sǝn aɓwana mǝnana à wuna ka, ɓwa mǝgule andǝ ɓwa mǝkyauwe, aban came a ɓadǝm bunomurǝm nì. Pǝlǝa à mǝnggi amalǝmce, sǝ à yì mǝn ɓe malǝmce, mǝnia ka nda Malǝmce Yilǝmu. Sǝ aɓwana mǝnana à wuna ka, à pakkia wia ɓashi arǝ agir mǝnana à pak ka, kǝla mǝnana ndakam à gilǝia aɓalǝ amalǝmce mǝno ka.