Yohana 5:25 - Maləmce Məfele mala Ɓakuli: Kurcau Məbəshe

²⁵ Mǝ nda ban na wun mǝsǝcau, pwari na ban yiu, yale pwari nì pangŋǝna, mǝnana aɓwana mana alú na ka à nǝ̀ ok gi Muna mala Ɓakuli, sǝ aɓwana mǝnana à o ka, à nǝ̀ long nǝ yilǝmu.

Yohana 5:25 ပူးပေါင်းရင်းမြစ်များ

Luka 15:24

Acemǝnana mǝnia yì muna-ɓwabura mem ngga wú, sǝ lo; ɓwaro, sǝ à kumi.” Pǝlǝa à tita pakiɗire.

Luka 15:32

Ɓoaro ɓǝ̀ sǝm pak banɓoarnado andǝ bumpwasǝa, acemǝnana mǝnia yì mǝ'kyauweo ka wú, sǝ adyan ngga longŋǝna nǝ amǝsǝì; ɓwaro, sǝ à kumǝni.”

Luka 9:60

Yesu ne wi ama, “Ɗeki alú ɓǝa tsǝk alú malea, sǝ we ka kyane kya hamnǝ Domurǝm mala Ɓakuli.”

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 17:1

Anzǝm mǝnana Yesu malǝna naki acau mǝnia ka, pǝlǝa loasǝ mǝsǝì a kuli, sǝ pak hiwi ama: Dâ, adyan ngga bu-pwarî yina. Gusǝlǝ Munio ace mǝnana ɓǝ̀ Munio po gulo mo ka.

Yohana 4:21

Yesu eari wi ama, “Mɓwama, earnǝ cau mǝnana ǝn nggǝ banggo ka. Pwari na kǝ yiu ka mǝnana peri aban Ɓakuli ka, pà nǝ̀ pa amur nkono man ko aɓa Urǝshalima ka ɗang.

Yohana 4:23

Sǝ pwari na kǝ yiu ka, yale pwari nì yina, mǝnana amǝperi mǝ'mǝsǝcau nì nǝ̀ ngga peri aban Ɓakuli nǝ ɓabumia kat nǝ mǝsǝcau. Yia ka à nda ka ulang amǝperi mǝnana Ɓakuli earkiyi cea ka.

Yohana 5:21

Kǝla mǝnana Ɓakuli Tárram kǝ loasǝ alú sǝ kǝ pea wia yilǝmu ka, anggo sǝ mim Muni ka mǝ nǝ pea aɓwana mǝnana ǝn earce mǝ nǝ pea wia ka yilǝmu.

Yohana 5:28

Wu kǝa ndali arǝ man ɗang, pwari na kǝ yiu ka, mǝnana alú mana aɓalǝ aɓembe malea ka, à nǝ̀ ok gi Muna mala Ɓwa

Yohana 6:60

Amǝkpate pas ok man yì cau ka sǝ à na ama, “Man yi kanigir ka kwanǝna, yana nǝ̀ gandǝ é?”

Yohana 8:43

Man tsǝa sǝ wu bwalta acau mǝnana ǝn nggǝ na wun ngga ɗang? Nda ace mǝnana wu gandǝ ok cau mem ɗang.

Yohana 8:47

Ɓwa mǝnana mala Ɓakuli na ka kǝ kwaki kiri arǝ cau mala Ɓakuli. Sǝ wun ngga wun ndaka mala Ɓakuli ɗang, nda gir mǝnana tsǝa sǝ wu kǝ kwaki kir wun a rǝì raka.

Yohana 9:27

Sǝ earia wia ama, “Ən nanà wun mǝni, sǝ wu ginǝ kwaki kir wun. Ace mana sǝ wu kǝ earce oe ɗǝm? Wu kǝ earce wu nǝ̀ pǝlǝ amǝkpate gbal le?”

Amǝ Roma 6:4

Sǝm ngga, sǝm wú, sǝ à tsǝk sǝm a ɓembe sǝnǝa Kǝrǝsti nǝ batisǝma mǝnana à pakka sǝm ngga. Kǝla mǝnana Kǝrǝsti loapi ɓembe nǝ yilǝmu aɓa rǝcandǝa mala Ɓakuli Tárru ka, sǝm gbal ka, sǝm nǝ̀ dukdo bǝsa yilǝmu.

Amǝ Afisu 2:1

Ɗiɗyal ka, wu nda ka alú ace mgbikiru andǝ acauɓikea ma'wun.

Amǝ Afisu 2:5

nda gir nî sǝ kat andǝ wú mǝnana sǝm wu aɓalǝ acauɓikea ma'sǝm ngga, yi pa sǝm yilǝmu nǝ loasǝo mǝnana loasǝ Kǝrǝsti a ɓembe ka. Kǝ ɓwamuru mala Ɓakuli na nǝmurǝì amsǝ wun ngga.

Amǝ Afisu 5:14

Acemǝnana tǎlaban ngga kǝ pusǝ koya gir ka a banfana. Nda gir nî sǝ à na ma, “Loapi ntulo, we mǝ'nong-ntulo, loapi ɓembe, sǝ Kǝrǝsti nǝ̀ po tǎlaban.”

Amǝ Kolosi 2:13

Ɗiɗyal ka, wu wú ata cau mala acauɓikea ma'wun, andǝ aɓealǝu mala cauɓikea ma'wun mǝnana à gau wun wunǝia raka. Sǝ adyan ngga Ɓakuli pana wun yilǝmu aɓa Kǝrǝsti, lang yi twala sǝm ban cauɓikea ma'sǝm kat ka.

Sǝna 3:1

Gilǝî mǝturonjar mala ikǝlisiya mǝnana a Sardis ka ama: Mǝnia ka nda cautera mǝnana pur nǝban Yì ɓwa mǝnana bwal abangŋo tongno-nong-ɓari mala Ɓakuli andǝ anlero tongno-nong-ɓari a bui ka. Ən surǝ aturo mo. Aɓwana kǝ twalo ama a ndanǝ yilǝmu, sǝ mǝsǝcau ka, a nda lú.