Yohana 5:19 - Maləmce Məfele mala Ɓakuli: Kurcau Məbəshe

¹⁹ Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 5:19 ပူးပေါင်းရင်းမြစ်များ

Matiu 26:39

Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Luka 21:15

Acemǝnana mǝ nǝ pa wun acau andǝ sǝlǝe mǝnana kǝɓwa pà kàm ata amǝɓinǝ múr wun mǝnana nǝ̀ gandǝ cam a kun wun, ko nǝ̀ makgir cau ma'wun ngga ɗang.

Yohana 10:18

Kǝɓwa pà nǝ̀ twal yilǝmem a rǝam ɗang. Ən nggǝ pa yilǝmem nǝ eare mem. Mǝ ndanǝ rǝcandǝa mǝ nǝ pà yilǝmem, sǝ mǝ ndanǝ rǝcandǝa mǝnana mǝ nǝ é ɗǝm ngga. Mǝnia ka nda nzongcau mǝnana Tárram pam ama ɓǝ̀ ǝn pak ka.

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 12:50

Sǝ ǝn sǝlǝna ama anzongcau male ka à nǝ̀ kánǝ ɓwa aɓa yilǝmu mǝnana málá male pà kàm raka. Gir mǝnana ǝn naki ka nda gir mǝnana Tárram banggam mǝ na ka.

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 2:19

Yesu earia wia ama, “Wu arki man yì Ndàmǝgule mala Ɓakuli ka, sǝ aɓa nongŋo tārú ka mǝ nǝ loasǝi ɗǝm.”

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 5:21

Kǝla mǝnana Ɓakuli Tárram kǝ loasǝ alú sǝ kǝ pea wia yilǝmu ka, anggo sǝ mim Muni ka mǝ nǝ pea aɓwana mǝnana ǝn earce mǝ nǝ pea wia ka yilǝmu.

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Roma 6:4

Sǝm ngga, sǝm wú, sǝ à tsǝk sǝm a ɓembe sǝnǝa Kǝrǝsti nǝ batisǝma mǝnana à pakka sǝm ngga. Kǝla mǝnana Kǝrǝsti loapi ɓembe nǝ yilǝmu aɓa rǝcandǝa mala Ɓakuli Tárru ka, sǝm gbal ka, sǝm nǝ̀ dukdo bǝsa yilǝmu.

Amǝ Roma 8:11

Ɓǝ̀ Bangŋo mala Ɓakuli mǝnana loasǝ Yesu a ɓembe ka, nda aban do a ɓabum wun ngga, anggo gbal ɓwa mǝnana loasǝ Kǝrǝsti a ɓembe ka, nǝ̀ pe nggurǝ wun mǝnana dupi lú ka yilǝmu, nǝ bu Bangŋo male mǝnana dukiyi a ɓabum wun ngga.

1 Amǝ Korinti 15:12

Cau mǝnana sǝm hamnggiyi nǝi ka nda mǝnana ama, Kǝrǝsti ka à loasǝi a ɓembe nǝ yilǝmu, sǝ palang ado sǝ aɓea aɓwana aɓalǝ wun kǝ na ama lo mala alú a ɓembe pa kàm ɗang?

2 Amǝ Korinti 4:14

Sǝm pa anggo acemǝnana sǝm sǝlǝna ama Ɓakuli, mǝnana loasǝ Mǝtalabangŋo Yesu ka, nǝ̀ loasǝ sǝm gbal sǝnǝa Yesu, sǝ nǝ̀ ká nǝ sǝm, sǝnǝa wun a ɓadǝmbǝi.

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

Amǝ Afisu 2:5

nda gir nî sǝ kat andǝ wú mǝnana sǝm wu aɓalǝ acauɓikea ma'sǝm ngga, yi pa sǝm yilǝmu nǝ loasǝo mǝnana loasǝ Kǝrǝsti a ɓembe ka. Kǝ ɓwamuru mala Ɓakuli na nǝmurǝì amsǝ wun ngga.

Amǝ Afisu 3:16

Ən nggǝ pak hiwi ama, aɓa kume male mǝgule kǝrkǝr, mǝnana malkiyi raka, ɓǝ̀ pa wun rǝcandǝa mala ɓabum nǝ bu Bangŋo male.

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

Amǝ Filipi 4:13

Mǝ nǝ gandǝ pak koya gir ka, nǝ rǝcandǝa mǝnana Kǝrǝsti kǝ pam ngga.

Amǝ Kolosi 1:11

Sǝm nggǝ pak hiwi ɗǝm ama ɓǝ̀ kusǝ wun ɓǝ̀ candǝ aɓa rǝcandǝa mala gulo male mǝnana karban kat ka. Anggo sǝ wu nǝ̀ kum gandǝrǝu aɓalǝ agirbunda kat nǝ munyi, sǝ wu nǝ̀ lumsǝ nǝ banɓoarnado.

Amǝ Kolosi 1:16

Nǝ baní sǝ Ɓakuli pusǝ koya gir mǝnana a kuli andǝa mǝnana a nzali ka. Yì nǝ̀ pusǝ agir mǝnana à kǝ sǝnia andǝa mǝnana à kǝ sǝnia raka; kat andǝ abuno-murǝm, andǝ adomurǝm, andǝ amǝ'talanzali, andǝ amǝ bwal garamurǝm. Nǝ yi sǝ à pusǝ koya gir ka, sǝ àkǝ̀ ce gulo male sǝ à pusǝia.

1 Amǝ Tasalonika 4:14

Sǝm ngga, sǝm earǝna nǝi ama Yesu wú, sǝ loapi ɓembe nǝ yilǝmu. Ɗǝm ngga sǝm earǝna nǝi ama aɓwana mǝnana à wu aɓa paɓamuru malea aban Yesu Kǝrǝsti ka, Ɓakuli nǝ̀ loasǝia nǝ yilǝmu, nǝ̀ yinǝia abani a tarǝia andǝ Yesu.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.