Yohana 5:18 - Maləmce Məfele mala Ɓakuli: Kurcau Məbəshe

¹⁸ Ace mani ka, aɓwana-mǝgule mala amǝ Yahudi ɓariki kǝrkǝr ama à nǝ̀ wal-lú Yesu, acemǝnana yàl nzongcau mala Sabbat nǝmurǝì ɗang, tunǝ Ɓakuli ama Tarrí. Anggo ka ndaban karǝ ɓamuri arǝ Ɓakuli.

Yohana 5:18 ပူးပေါင်းရင်းမြစ်များ

Matiu 12:5

Ko wu ɓal mbo aɓa Nggurcau mala Musa ama, ko ya pwari Sabbat a Ndàmǝgule mala Ɓakuli ka apǝris kǝ yâl nzongcau mala Sabbat sǝ à sǝnia nǝ cauɓikea raka?

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 10:30

Mim sǝnǝ Tárram ka sǝm nda mwashat.

Yohana 10:33

Pǝlǝa à eari wi ama, “Pà ace kǝ agir mǝɓoarne mǝnana à pea, sǝ sǝm earce ama sǝm nǝ̀ ɓukkio ka ɗang. Nda ace cau ɓǝsǝki Ɓakuli mǝnana a na ka. We ka, a nda ɓwamǝpǝnde sǝ a kǝ twal ɓamuro a nda Ɓakuli!”

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 14:9

Yesu ne wi ama: Filip, ǝn sauwuna nǝ do ata wun, sǝ ba ado ka a malaká surǝam ɗang? Ɓwa mǝnana sǝnǝnam ngga sǝnǝna Tárram. Sǝ palang sǝ a kǝ na ama mǝ lǝmndǝa wun rǝì?

Yohana 19:7

Pǝlǝa aɓwana-mǝgule mala amǝ Yahudi eari wi ama, “Aɓa nggurcau ma'sǝm ngga, ɓoaro ɓǝ̀ wú, acemǝnana twal ɓamuri ama yì ka, Muna mala Ɓakuli na!”

Yohana 5:15

Pǝlǝa ɓwe o kya ne aɓwana-mǝgule mala amǝ Yahudi ama Yesu nǝ̀ twali wi ban rǝkwana male.

Yohana 5:16

Pǝlǝa yia amǝ Yahudi ka à tsǝk Yesu a dǝmbǝa, acemǝnana twalban rǝkwana a pwari Sabbat, pwari usǝlǝo.

Yohana 5:17

Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 5:23

ace mǝnana ɓǝ̀ aɓwana kat pam gulo kǝla mǝnana à pe Tárram Ɓakuli ka. Ɓwa mǝnana kat pam gulo raka, pà aban pê Tárram mǝnana tasǝam ngga gulo ɗang.

Yohana 7:1

Anzǝm man ngga, Yesu gya aɓa nzali Galili; eare kutio aɓa bu-nzali Yahudi ɗang, acemǝnana aɓwana-mǝgule mala amǝ Yahudi mǝnana akano ka, à nda ban alte à nǝ̀ wal-lui.

Yohana 7:19

Musa nǝ̀ pa wun Nggurcau re? Sǝ kǝɓwa ata wun kpate ɗang. Ace mana sǝ wu kǝ earce ama wu nǝ̀ wal-luem?

Yohana 8:54

Yesu earia wia ama, “Ɓǝ̀ ǝn pe ɓamuram gulo ka, gulê pà a kun kǝgir ɗang. Sǝ Tárram mǝnana wu twali ama nda Ɓakuli ma'wun ngga, nda mǝnana pākiyam gulo ka.

Yohana 8:58

Yesu earia wia ama, “Mǝ nggǝ bangga wun mǝsǝcau, kaniama à nǝ̀ ɓǝl Ibǝrayim ngga, ‘Mǝ ndakam.’”

Amǝ Filipi 2:6

Kat andǝ mani ama nda mwashat andǝ Ɓakuli ka, twali pup ama nǝ̀ karǝ rǝì arǝ Ɓakuli ɗang.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.

Sǝna 22:3

Suban ngga pà nǝ̀ pàk kàm ɗǝm amur kǝgir aɓa mǝno yì nggeala ka ɗang. Ɓakuli nǝ nggearǝì, andǝ Mǝgam ngga, à nǝ̀ do a ɓalǝi amur abuno-murǝm malea, sǝ aɓwana male nǝ̀ nggǝ peri abani.