Yohana 5:17 - Maləmce Məfele mala Ɓakuli: Kurcau Məbəshe

¹⁷ Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 5:17 ပူးပေါင်းရင်းမြစ်များ

Matiu 10:29

Amuna-nyal ɓari ka à kǝ mea kwapo mwashat re? Sǝ anggo ka kǝ ɓe pà kàm mwashat nǝ̀ kpa a nzali nǝ̀ wú sǝ pà nǝ́ sǝlǝe mala Tár wun raka.

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 5:16

Pǝlǝa yia amǝ Yahudi ka à tsǝk Yesu a dǝmbǝa, acemǝnana twalban rǝkwana a pwari Sabbat, pwari usǝlǝo.

Yohana 5:18

Ace mani ka, aɓwana-mǝgule mala amǝ Yahudi ɓariki kǝrkǝr ama à nǝ̀ wal-lú Yesu, acemǝnana yàl nzongcau mala Sabbat nǝmurǝì ɗang, tunǝ Ɓakuli ama Tarrí. Anggo ka ndaban karǝ ɓamuri arǝ Ɓakuli.

Yohana 9:4

Ado mǝnana pwari nakam ngga, dumǝna púp sǝm nǝ̀ pak turo mala Tárram mǝnana tasǝam ngga. Dù na kǝ yiu ka, mǝnana kǝɓwa pà nǝ̀ pak turo raka.

Amǝ Mishan 14:17

sǝ kat andǝ amǝno ka, nying ɓamuri aɓa ɗwanyi gir mana nǝ̀ nakuni aban aɓwana ama yì ka, ndakam, andǝ lǝmndǝ pě mǝɓoarne male abania ka ɗang. Kǝ̀ pa wun mbulo andǝ agir-soro mǝɓoarne, ɓǝ̀ kunì karǝna ka. Sǝ kǝ pa wun girlina andǝ ɓabum banɓoarnado.

Amǝ Mishan 17:28

Acemǝnana “A ɓalǝi sǝ sǝm do nǝ yilǝmu, sǝm nggǝ gya, sǝ sǝm pa.” Kǝla mana aɓea amǝnggyal ma'wun bang ngga ama, “Sǝm gbal ka, sǝm ndaka muna male” ka.

1 Amǝ Korinti 12:6

Anjargula turo nakam ɗàngɗáng, sǝa ma kǝ Ɓakuli mǝ'mwashati na kǝ pak turo nǝ sǝm kat ka.

Amǝ Kolosi 1:16

Nǝ baní sǝ Ɓakuli pusǝ koya gir mǝnana a kuli andǝa mǝnana a nzali ka. Yì nǝ̀ pusǝ agir mǝnana à kǝ sǝnia andǝa mǝnana à kǝ sǝnia raka; kat andǝ abuno-murǝm, andǝ adomurǝm, andǝ amǝ'talanzali, andǝ amǝ bwal garamurǝm. Nǝ yi sǝ à pusǝ koya gir ka, sǝ àkǝ̀ ce gulo male sǝ à pusǝia.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.