Yohana 5:14 - Maləmce Məfele mala Ɓakuli: Kurcau Məbəshe

¹⁴ Anzǝm mani ka Yesu kumi aɓa Ndàmǝgule mala Ɓakuli, sǝ ne wi ama, “Sǝni ado ka à twalǝno ban rǝkwana, nying pakki acauɓikea, ɓǝ̀ ana raka gir mǝɓane mǝnana kuti mǝno ka nǝ̀ kumo.”

Yohana 5:14 ပူးပေါင်းရင်းမြစ်များ

Matiu 12:45

pǝlǝa nǝ̀ o nǝ̀ ngga yinǝ aɓea bangŋo tongno-nong-ɓari mǝnana à kuti nǝ ɓealɓikea ka, sǝ à nǝ̀ yia kutio à nǝ̀ do a ɓalǝi. Masǝlǝata mǝnia yì ɓwa ka nǝ̀ ɓike nǝ̀ kuti mǝdǝmbe. Anggo sǝ nǝ̀ pang nǝ nza mǝɓealɓike mǝnia.

Markus 2:5

Lang Yesu sǝn guliarǝu malea a rǝì ka, pǝlǝa ne mǝrǝkwana ama, “Laggalem, à twalǝno ban acauɓikea mo.”

Yohana 5:13

Ɓwa mǝnana à twali wi ban rǝkwana ka surǝ yana nda Yesu ɗang, acemǝnana ɓwapǝndǝa lakki pas abanì, sǝ Yesu kongŋǝna aɓalǝ aɓwana.

Yohana 5:5

Ɓe ɓwabura nakam abanì, pangŋǝna apǝlǝa lumi-tārú-bwamdǝ-tongno-nong-tārú aban nongŋo nǝ rǝkwana.

Yohana 8:11

Pǝlǝa eare ama, “Awo, Ɓwamǝgule, kǝɓwa pà kàm ɗang.” Yesu banggi wi ama, “Nggearǝ mim gbal ka ǝn kasǝo ɓashi-lú ɗang. Kyane, sǝ kǝa pak cauɓikea ɗǝm ɗang.”]

1 Bitǝrus 4:3

Apwari mǝnana à kutikina ka, à karǝna mala pakkia agir mǝnana amǝɓanza earkiyice pe ka, kǝla ɓiki do-kiɗìkì mala nongginǝ-rǝarǝu, andǝ npel, andǝ nukia agir aban wal-wale, andǝ dapi ace likiali-ɓana andǝ nongginǝ-rǝarǝu, andǝ akpapíkí mala nu mba andǝ loasǝban, andǝ aturo mǝɓike mala peri aban ankúl.