Yohana 5:10 - Maləmce Məfele mala Ɓakuli: Kurcau Məbəshe

¹⁰ Pǝlǝa aɓwana-mǝgule mala amǝ Yahudi ne ɓwa mǝnana à twali wi ban rǝkwana ka ama, “Yalung ngga pwari usǝlǝo na, Nggurcau ma'sǝm eare ama wu twal kal nongŋo mo a pwari usǝlǝo ɗang.”

Yohana 5:10 ပူးပေါင်းရင်းမြစ်များ

Matiu 12:10

Ɓe ɓwabura mǝnana ɓe bui wu ka ndakam abanì. Amǝ Farisi ka, à ndarǝ alta njar à nǝ̀ kum mǝɓane mǝnana à nǝ̀ na arǝ Yesu ka. Pǝlǝa à ɗi ama, “Nggearǝì ka, Nggurcau ma'sǝm eare ama ɓǝa twalban rǝkwana a pwari Sabbat le?”

Markus 2:24

Pǝlǝa amǝ Farisi ne wi ama, “Sǝni, palang sǝ alaggana mo kǝ yàl Nggurcau, à kǝ pak turo kasǝki mǝssa a pwari Sabbat?”

Markus 3:4

Yesu pǝlǝa ɗi aɓwana ama, “Mǝ ye na nggurcau eare ɓǝa pe a pwari Sabbat, ɓǝa pak mǝɓoarne le ko ɓǝa pak mǝɓane? Ɓǝa amsǝ yilǝmu le ko ɓǝa kiɗiki?” Kara à duk kunia piu.

Luka 13:14

Sǝ ɓwamǝgule ndakpapi ka bumi lullo, acemǝnana Yesu twalban rǝkwana a pwari usǝlǝo ka. Ne aɓwana mana à ram ngga ama, “Anongŋo nakam tongno-nong-mwashat ace turo. Wu yiu ɓǝa twala wun ban arǝkwana ma'wun aɓalǝ amǝno yì apwari ka, wu kǝa yiu a pwari usǝlǝo ɗang.”

Luka 23:56

Pǝlǝa à nyare à o a la, à kya alta amuru andǝ amuku agir mǝ'rǝmɓoarne. Sǝ à usǝlǝo a Pwari Sabbat, acemǝnana ɓǝa kpata Nzongcau ka.

Luka 6:2

Aɓea amǝ Farisi bangŋa ama, “Palang sǝ wu kǝ pak gir mǝnana ɓoaro ɓǝa pe a pwari usǝlǝo raka?”

Yohana 1:19

Aɓwana-mǝgule mala amǝ Yahudi mǝnana a Urǝshalima ka à túr apǝris andǝ amǝ'lawi ɓǝa kya ɗi Yohana ama, yì ka, nda yana le?

Yohana 5:11

Pǝlǝa nea wia ama, “Ɓwa mǝnana twalam ban rǝkwana ka nǝ̀ nam ama, mǝ twal kala mem mǝ o.”

Yohana 5:15

Pǝlǝa ɓwe o kya ne aɓwana-mǝgule mala amǝ Yahudi ama Yesu nǝ̀ twali wi ban rǝkwana male.

Yohana 5:16

Pǝlǝa yia amǝ Yahudi ka à tsǝk Yesu a dǝmbǝa, acemǝnana twalban rǝkwana a pwari Sabbat, pwari usǝlǝo.

Yohana 7:23

Ɓǝ̀ pwari mana à tsǝa ace kasǝi muna-ɓwabura ɓate, kpa a pwari Sabbat, pwari usǝlǝo ka, wu kǝ lidǝmba nǝ pe, ace mǝnana ɓǝa kǝa yàl Nggurcau mala Musa raka. Palang sǝ bum wun lullo a rǝam acemǝnana ǝn twali ɓwa ban rǝkwana a pwari Sabbat ka?

Yohana 9:16

Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.” Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.