Yohana 4:39 - Maləmce Məfele mala Ɓakuli: Kurcau Məbəshe

³⁹ Amǝ Samariya pas a mǝno yì là ka à pa ɓamuria aban Yesu ata cau mala mɓwama mǝnana banggia wia ama, “Nam koya gir nani ǝn pa aɓa do mem ngga.”

Yohana 4:39 ပူးပေါင်းရင်းမြစ်များ

Matiu 10:5

Yia mǝnia lum-nong-ɓari ka Yesu tasǝia sǝ nea wia ama: Wu kǝa ká aban aɓwana mǝnana amǝ Yahudi na raka ɗang. Wu kǝa kar a ɓe kǝ la mala amǝ Samariya ɗang.

Yohana 1:37

Lang alaggana mǝnia ɓari à ongŋǝni náná anggo ka, kara à o ata Yesu.

Yohana 11:45

Pas ata aɓwana mǝnana à yiua makki Maryamu kun, sǝ à sǝn gir mǝnia Yesu pe ka, à pà ɓamuria abani.

Yohana 4:29

“Wu yiu, wu yi sǝn ɓwa mǝnana nam koya gir nani ǝn pa aɓa do mem ngga! Ko ɓwa man nda Kǝrǝsti Mǝ'amsǝban le?”

Yohana 4:30

Pǝlǝa ɓwapǝndǝa puri la à yiu aban Yesu.

Yohana 4:38

Ən tasǝ wun, wu kya pwan girɓaban mǝnana wu nda wu ɓeal raka; aɓea aɓwana na à ɓeale, sǝ wun ngga wu kya kum tangnakusǝ turo mǝnana à pak ka.

Yohana 4:40

Lang amǝ Samariyi yiu aban Yesu ka, à yì zǝmbǝi wi ɓǝ̀ do atea, pǝlǝa Yesu do pak nongŋo ɓari abania.

Yohana 4:42

Pǝlǝa yia ka à ne mǝno yì mɓwama ka ama, “Ado ka pa ace cau mo sǝ sǝm pà ɓamur sǝm abani ka ɗang, nggearǝ sǝm ngga sǝm ongŋǝni nǝ kir sǝm. Sǝm sǝlǝna ama, aɓa mǝsǝcau ka, yì nda Mǝ'amsǝ ɓanza.”

Yohana 4:5

Lang yina a nzali Samariya ka, pǝlǝa yiu a ɓe la mǝnana à tunǝki ama Saika ka; banì sapi nzali mǝnana Yakupu pe muni Yisǝfu a pwaryan ngga ɗang.

Yohana 4:8

(Anggo ka alaggana male warina a kúr girlina aɓa là.)