Yohana 4:38 - Maləmce Məfele mala Ɓakuli: Kurcau Məbəshe

³⁸ Ən tasǝ wun, wu kya pwan girɓaban mǝnana wu nda wu ɓeal raka; aɓea aɓwana na à ɓeale, sǝ wun ngga wu kya kum tangnakusǝ turo mǝnana à pak ka.

Yohana 4:38 ပူးပေါင်းရင်းမြစ်များ

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Yohana 1:7

Yiu yi ne ɓwapǝndǝa cau amur mǝnia yì tǎlaban ngga, ace mǝnana ɓǝ̀ ɓwapǝndǝa kat ok mǝnia yì cau ka, ɓǝ̀ é.

Yohana 17:18

Kǝla mǝnana a turam aɓa ɓanza ka, anggo gbal sǝ ǝn nggǝ turia aɓa ɓanza.

Yohana 4:37

Anggo ka cau mǝnana à kǝ ne ama, “Ɓe ɓwa ɓeale, sǝ ɓeɓwa pwan” ngga, dumǝna mǝsǝcau.

Yohana 4:39

Amǝ Samariya pas a mǝno yì là ka à pa ɓamuria aban Yesu ata cau mala mɓwama mǝnana banggia wia ama, “Nam koya gir nani ǝn pa aɓa do mem ngga.”

Amǝ Mishan 2:41

Aɓwana mǝnana à akcau mala Ɓakuli ka, à pakkia wia batisǝma. Laki mala mǝnia yì aɓwana, à tsǝa amur lakki mala amǝkpata Yesu a pwari mǝno ka à nda á-tārú.

Amǝ Mishan 4:32

Amǝkpata Yesu kat ka à dum nǝ ɓabumia andǝ ɗenyicau malea mwashat. Acemǝnana kǝɓwa ɓalǝia twal girkuma male ka, male na nǝmurǝì raka, à gaki agir kat a rǝarǝia.

Amǝ Mishan 4:4

Kat andǝ amani ka, aɓwana pas mǝnana à ok cau mala Ɓakuli ka à paɓamuria, sǝ mǝnia ka yi tsǝk lakki mala aburana mǝnana à paɓamuria ka, yi bwal á-tongno (5,000).

Amǝ Mishan 5:14

Kat andǝ mǝno ka, aburana andǝ amamǝna pas camarǝ paɓamuria aban Mǝtalabangŋo. Mǝnia ka tsǝa amur lakki malea.

Amǝ Mishan 6:7

Anggo sǝ cau mala Ɓakuli lidǝmbǝa kǝ akiban. Amǝkwaɗi mǝnana a Urǝshalima ka, à lidǝmbǝa nǝ lakki. Sǝ apǝris pas paɓamuria aban kpata Yesu.

2 Amǝ Korinti 10:15

Sǝ sǝm yàl nzong gbal nǝ nggori nǝ turo mǝnana aɓea ɓwana pè ka ɗang. Tsǝkɓalǝu ma'sǝm ngga, nda mǝnana ama ɓǝ̀ paɓamuru ma'wun gulo, ace mǝnana nzong turo ma'sǝm aban wun ngga, ɓǝ̀ turo a dǝmbǝa.