Yohana 4:34 - Maləmce Məfele mala Ɓakuli: Kurcau Məbəshe

³⁴ Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 4:34 ပူးပေါင်းရင်းမြစ်များ

Matiu 26:39

Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Matiu 3:15

Sǝ Yesu pa eare ka ne wi ama, “Ɗeki ɓǝ̀ pa ana adyan. Anggo ka sǝ sǝm nǝ̀ lumsǝ agir kat mǝnana Ɓakuli earkicea ka.” Pǝlǝa Yohana eare pakki wi batisǝma.

Matiu 9:19

Yesu pǝlǝa lo o ate, andǝ alaggana male.

Luka 15:10

Ən nggǝ na wun ama anggo gbal, bumpwasǝa nakam aban amǝturonjar mala Ɓakuli ace mǝ'cauɓikea mwashat mǝnana ginǝki acauɓikea male, nyare aban Ɓakuli ka.

Luka 19:10

Muna mala Ɓwa ka, yiu àkǝ̀ ce alta gir mǝnana ɓwàr ka, nǝ̀ amsǝi.”

Luka 2:49

Yesu ɗia ama, “Ace mana sǝ wu altam? Wu sǝlǝ mbak ama dumǝnam púp mǝ pa a ɓala mala Tárram a kun turo male?”

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Yohana 19:28

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Yohana 19:30

Lang Yesu sonzǝ mur anap nì ka, na ama, “Malǝna!” Pǝlǝa dili muri sǝ pa yilǝmi.

Yohana 4:32

Yesu pǝlǝa nea wia ama, “Mǝ ndanǝ girlina mǝnana wu surǝ kǝgir amuri raka.”

Yohana 5:30

Pa mǝ nǝ pak ɓe kǝgir aɓa rǝcandǝa mem ɗang. Ən nggǝ pak ɓashi mem à pě mǝnana Ɓakuli banggam ɓǝn nggǝ pe ka. Ace mani ka, ɓashi mem na amur njari, acemǝnana ǝn pa aban ɓariki mǝ nǝ pak gir mǝnana ǝn earkiyice ka ɗang. Kǝ nggearǝ mǝsǝrǝ gir mǝnana Tárram mana turam ngga earkiyi ce ka, nda ǝn nggǝ pe ka.

Yohana 5:36

Sǝ mǝ ndanǝ mem yi nakun a muram mǝnana kuti mana Yohana na a muram ngga. Agir mǝnana ǝn nggǝ pakkia ka, aturo mǝnana Tárram pam ama ɓǝn pakkia ka à nda. À kǝ̀ nakunam, sǝ à kǝ̀ lǝmndǝ ama Tárram nǝ turam.

Yohana 6:33

Girlina mǝ'mǝsǝcau nì mǝnana Ɓakuli pākiyi ka nda Ɓwa mǝnana sulǝ nǝ kuli sǝ kǝ pe ɓanza yilǝmu ka.”

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Yohana 8:29

Ɓwa mǝnana tasǝam ngga nda atam; nyem nǝmurǝam ɗang. Acemǝnana koya pwari ka ǝn nggǝ pak gir mǝnana kǝ pwasǝbumi ka.”

Amǝ Mishan 20:35

Aɓa koya gir ǝn nggǝ pak ka, mǝ nda ban lǝmndǝa wun ama, aɓa pak turo mǝnana nkundǝr pa a rǝì raka sǝ sǝm nǝ̀ bwali aɓwana mana à pànǝi raka. Ɓǝ̀ sǝm ɗenyi nǝ acau mala Mǝtalabangŋo Yesu, mǝnana na nǝ ɓamuri ama, “Tsǝkbu mala Ɓakuli mana amur amǝ pa ɓoro ka nda kpǝm kuti do kúndǝo ɓǝa po.”

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.