Yohana 4:15 - Maləmce Məfele mala Ɓakuli: Kurcau Məbəshe

¹⁵ Mɓwame banggi wi ama, “Ɓwamǝgule, pam mǝnia yì mur ka, ace mǝnana mǝsamur ɓǝ̀ kǝa walam ɗǝm ɗang, sǝ ɓǝn ngga nyarki kani aban toki mur raka.”

Yohana 4:15 ပူးပေါင်းရင်းမြစ်များ

Yohana 4:16

Yesu ne wi ama, “Kyane kya tunǝ burrio wu yiu.”

Yohana 6:26

Yesu earia wia ama, “Mǝ nda ban na wun mǝsǝcau, wu pà aban altam acemǝnana wu sǝn agir-ndǝlǝki ka ɗang, nda ace girlina mǝnana wu li wu ɗǝmnggi ka.

Yohana 6:34

À ne Yesu ama, “Ɓwamǝgule, wú kǝ̀ pa sǝm mǝnia yì girlina ka pwari-pwari.”

Yohana 6:35

Pǝlǝa Yesu bangŋa ama: “Mǝ nda girlina mala yilǝmu. Ɓwa mǝnana kat yiu abanam ngga pà nǝ̀ ok nzala ɗǝm ɗang, sǝ ɓwa mǝnana kat pàɓamuri abanam ngga pà nǝ̀ ok mǝsamur ɗang ko bǝti.

Amǝ Roma 6:23

Tangnakusǝ cauɓikea ka, lú na, sǝ ɓoro mala Ɓakuli ka, nda yilǝmu mǝnana málá male pà kàm raka, nǝ bu Kǝrǝsti Yesu Mǝtala sǝm.

Amǝ Roma 8:5

Aɓwana mǝnana do malea ka, à kǝ kpata gir mana nggūrǝu kǝ banggia wia ka, ɓabumia nǝ̀ pa arǝ gir mǝnana nggurǝ earkiyi ce ka. Sǝ aɓwana mǝnana do malea ka Bangŋo na kǝ gingnǝia ka, ɓabumia nǝ̀ pa arǝ gir mǝnana Bangŋo earkiyi ce ka.

1 Amǝ Korinti 2:14

Sǝ ɓwa mǝnana pànǝ Bangŋo mala Ɓakuli raka, pà nǝ̀ gandǝ ak aɓoro mǝnana à pur aban Bangŋo mala Ɓakuli ka ɗang. Mǝno yì ɓwa ka pà nǝ̀ gandǝ surǝ amǝnia yì agir ka ɗang, acemǝnana agir mǝɓane na abani, sǝ pà nǝ̀ surǝia ɗang, acemǝnana agir ka nǝ bu Bangŋo mala Ɓakuli sǝ à nǝ̀ surǝia.

Jemis 4:3

Andǝa zǝmbǝa mǝnana wu zǝm ngga, wu kum ɗang, acemǝnana wu zǝm nǝ ɓabum mǝɓoarne ɗang. Wu zǝmbǝa acemǝnana ɓǝa pa wun wu nǝ̀ lumsǝna anpel mala ɓamur rǝ wun nǝia ka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.