Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”
A masǝlǝata pwari, mǝnana ndà pwari mǝgule mala Lamsan ngga, Yesu lo came sǝ loasǝ gi kpǝm na ama, “Ɓwa mǝnana kat kǝ ok mǝsamur ka ɓǝ̀ yiu abanam ɓǝ̀ yi nu.
Sǝ ɓwa mǝnana pànǝ Bangŋo mala Ɓakuli raka, pà nǝ̀ gandǝ ak aɓoro mǝnana à pur aban Bangŋo mala Ɓakuli ka ɗang. Mǝno yì ɓwa ka pà nǝ̀ gandǝ surǝ amǝnia yì agir ka ɗang, acemǝnana agir mǝɓane na abani, sǝ pà nǝ̀ surǝia ɗang, acemǝnana agir ka nǝ bu Bangŋo mala Ɓakuli sǝ à nǝ̀ surǝia.
Ɗǝm ngga nam ama: Ko man kat ka à malǝna pě. Mǝ nda Tite, sǝ mǝ nda Masǝlǝate. Ɓwa mǝnana kat mǝsamur wali ka, mǝ nǝ pe wi mùr ɓǝ̀ nu, aɓa mgbeaɗe mur mala yilǝmu, pà nǝ̀ mbwe kǝgir ɗang.
Bangŋo mala Ɓakuli andǝ Manfela, à kǝ na ama, “Yiu!” Ɓwa mǝnana kat ok mǝnia yì cau ka, ɓǝ̀ na ama “Yiu!” Ɓǝ̀ mǝsamur wal kǝɓwa ka, ɓǝ̀ yiu! Ɓwa mǝnana earce ka, ɓǝ̀ yi nu mur yilǝmu ɓà.
Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”