Yohana 4:1 - Maləmce Məfele mala Ɓakuli: Kurcau Məbəshe

¹ Yesu sǝlǝ ama amǝ Farisi ongŋǝna ce ama yì ka, nda arǝ kum amǝ kwaɗi te pas sǝ nda arǝ pakkia wia batisǝma kuti mala Yohana.

Yohana 4:1 ပူးပေါင်းရင်းမြစ်များ

Luka 1:76

Sǝ we munem ngga, à nǝ̀ tunǝo ama mǝɓangna mala Ɓakuli mana Karban nǝ Gulo kat ka. A nǝ aki Mǝtalabangŋo dǝmbǝa, ace gilǝki wi atanjar male,

Luka 19:31

Ɓǝ̀ kǝɓwa ɗi wun ama ace mana sǝ wu kǝ panzǝi le ka, wu nǝ̀ ne wi ama Ɓwamǝgule ma'sǝm kǝ earce.”

Luka 19:34

À eare ama, “Mǝtalabangŋo kǝ earce.”

Luka 2:11

Yalung aɓa nggeala mala Dauda ka, à ɓǝlǝ́na wun Mǝ'amsǝban; yì nda Kǝrǝsti Mǝtalabangŋo.

Luka 7:13

Lang Mǝtalabangŋo sǝn mɓwama man ngga, mǝsǝswatǝr male bwali, pǝlǝa ne wi ama, “Ce a ɓua ɗang!”

Luka 7:19

sǝ tasǝia aban Mǝtalabangŋo ɓǝa kya ɗi ama, “A nda Kǝrǝsti Mǝ'amsǝban, mǝnana sǝm nggǝ kundǝ ka le, ko ɓǝ̀ sǝm kundǝ ɓeɓwa ɗàng?”

Yohana 3:22

Anzǝm man ngga, Yesu andǝ alaggana male nying Urǝshalima sǝ à o arǝ aɓea muna-la aɓa nzali Yahudi. À kya pakkia anonggeo kam, aban pakki aɓwana batisǝma.

Yohana 3:26

Sǝ alaggana mala Yohana yiu abani à yì ne wi ama, “Rabbi, ɓalǝo kasǝa arǝ ɓwa mǝnana wu nda wunǝi a nkaring Nggeasala Jodan, yì mǝnana a bangga sǝm cau amuri ka? Nda kǝ̀ pakki aɓwana batisǝma ka, sǝ aɓwana pwanǝna rǝia kat aban ká abani.”

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

1 Amǝ Korinti 1:17

Mim ngga Kǝrǝsti turam ace pakkia batisǝma ɗang. Yì ka, turam ɓǝ̀ ǝn yi hamnǝ Cau Mǝɓoarne mala yilǝmu. Sǝ cau mala Ɓakuli mǝnana ǝn nggǝ hamnǝi ka, pà nǝ sǝlǝ'nacau mala ɓwapǝndǝa ɗang, ace mǝnana ɓǝa kǝa nyesǝ lú mala Kǝrǝsti amur nggun-gangndi ɓà ɗang.

1 Amǝ Korinti 15:47

Adamu, ɓwa mǝdǝmbe ka, pur nǝ nzali, à pe nǝ dǝɓang; Kǝrǝsti, yì ɓaria Ɓwa ka, sulǝ nǝ kuli.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

2 Amǝ Korinti 4:5

Yì Yesu Kǝrǝsti Mǝtalabangŋo ka, nda mana sǝm nggǝ hamnǝi ka, ɓamur rǝ sǝm na sǝm nggǝ hamnǝi ka ɗang. Sǝm ngga, sǝm nda ka amǝturo ma'wun à kǝ ce Yesu.

Jemis 2:1

Wun amǝ'eambǝam mǝnana wu pana ɓamur wun aban Mǝtalabangŋo Yesu Kǝrǝsti, mana lumsǝ nǝ tǎlaban ngga, wu nying lǝmndǝ tàrban.

Sǝna 19:16

Arǝ daura male aban byali ka, lullǝu na kam à gilǝì ama: MURƏM MALA AMURƏMA ANDƏ GBANI AMUR AMƏTALA ANZALI.