Yohana 3:6 - Maləmce Məfele mala Ɓakuli: Kurcau Məbəshe

⁶ Tarrû andǝ nggeau na à ɓǝlkiyi ɓwapǝndǝa ka, sǝ ɓǝlban ɓa Bangŋo ka, turo mala Bangŋo mala Ɓakuli na.

Yohana 3:6 ပူးပေါင်းရင်းမြစ်များ

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Yohana 3:7

Kǝa ndali nǝ cau mǝnana ǝn banggo nǝma, ‘Dumǝna púp à nǝ̀ basǝ ɓǝl wun ngga’ ɗang.

Amǝ Roma 7:18

Ən sǝlǝna nǝma kǝgir mǝɓoarne pa a ɓalǝam, aɓa nggūrǝam ɗang. Ən nggǝ earce pak gir mǝnana pepè ka, sǝ ǝn gandǝ pe ɗang.

Amǝ Roma 7:25

Sǝm pakki Ɓakuli yàwá, ace amsǝban mǝnana ndakam nǝ bu Yesu Kǝrǝsti, Mǝtala sǝm ngga! Mǝno ka nda gir mǝnana ado mǝ nda ɓālǝi ka: a ɓabumam ngga, ǝn earnace kpata Nggurcau mala Ɓakuli, sǝ nǝ nggūrǝam ngga, mǝ nda guro mala turo cauɓikea.

Amǝ Roma 7:5

Aɓa do ma'sǝm ɗiɗyal mǝnana nggurǝ sǝm na kǝ gingnǝ sǝm ngga, anpel mala cauɓikea mana Nggurcau loasǝia aɓa nyam sǝm ngga, à ndarǝ pak turo, sǝ ko man sǝm pak kat ka, mala ká lú na.

Amǝ Roma 8:13

Ɓǝ̀ wu kǝ dukdo kpata nê mala nggūrǝu ka, wu nǝ̀ wú. Sǝa ma ɓǝ̀ aɓa rǝcandǝa mala Bangŋo, wu tamsǝ pakkia aturo cauɓikea mala nggūrǝu, ɓǝa wu mak ka, wu nǝ̀ dum nǝ yilǝmu.

1 Amǝ Korinti 6:17

Sǝ ɓwa mǝnana à kpapini andǝ Mǝtalabangŋo ka, à dumǝna mwashat andǝi a ɓa bangŋo.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

Amǝ Galati 5:24

Aɓwana mǝnana à mala Kǝrǝsti Yesu na ka, à gballìna ɓealǝu mala ɓwapǝndǝa mǝ'cauɓike andǝ anpel andǝ asuno male, amur nggun-gangndi mala Yesu.

Amǝ Afisu 2:3

Sǝm kat ka, anggo sǝ sǝm duk ɗiɗyal aɓalǝia aban kpata asuno mala nggurǝu andǝ aɗenyicau mala ɓamurǝ sǝm, mǝ earce cauɓike. Sǝ mǝnia yì ɓealǝu ma'sǝm ngga tsǝa sǝm nda aɓata bumlulla mala Ɓakuli kǝla mǝnana ɓwapǝndǝa kat pak ka.

Amǝ Kolosi 2:11

Kǝrǝsti gbal ka twalǝna wun ɓealǝu mala cauɓikea, kǝla mǝnana kasǝ-ɓatau pusǝ nggū arǝ nggūrǝu ka.

1 Yohana 3:9

Ɓwa mǝnana kat ɓǝlban mala Ɓakuli na ka, kǝ lidǝmbǝa aɓa cauɓikea ɗang, acemǝnana mǝsǝɓeale mala Ɓakuli na a ɓabumi; pà nǝ̀ lidǝmbǝa nǝ pak cauɓikea ɗang, acemǝnana yì ka, ɓǝlban mala Ɓakuli na.