Yohana 3:5 - Maləmce Məfele mala Ɓakuli: Kurcau Məbəshe

⁵ Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 3:5 ပူးပေါင်းရင်းမြစ်များ

Matiu 18:3

Sǝ na ama: Mǝsǝcau, ǝn nggǝ bangga wun, ɓǝ̀ wu nggaɗya wu do kǝla amuna mǝkeke raka, pa wu nǝ̀ kuti a Domurǝm mala kuli ɗang.

Matiu 19:24

Ən nggǝ bangga wun ɗǝm, pa ɓamuru mala mǝkume aɓata yalmuru mala Ɓakuli ka, kwano kuti kutio mala kalakadambi a tūli nlerǝman.”

Matiu 21:31

“Aɓalǝ amuna mǝnia ɓari ka yana pak gir mǝnana tarrí earce ka?” Pǝlǝa à eari Yesu ama mǝdǝmbǝa na. Yesu pǝlǝa nea wia ama: Ən nggǝ bangga wun mǝsǝcau, amǝ'aki aboalo-cemi aɓa ɓǝmbǝriban andǝ aman-gung à nǝ̀ aka wun dǝmbǝa kutio a Domurǝm mala Ɓakuli.

Matiu 28:19

Ace mǝno ka, wu kyane aban ɓwapǝndǝa arǝ anzali kat, wu yinǝia ɓǝa pǝlǝ amǝkpatam. Wu pakkia wia batisǝma aɓa lullǝ Ɓakuli Tarrû, andǝ mala Muni, andǝ mala Bangŋo Mǝfele.

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Matiu 5:20

Ən nggǝ na wun ama ɓǝ̀ ɓealɓoarna ma'wun kuti mala amǝ Farisi andǝ amǝkani Nggurcau mala Musa raka, wu pa wu nǝ̀ kum kutio aɓa Domurǝm mala kuli ɗang ko bǝti.

Markus 10:14

Lang Yesu nǝ̀ sǝn mǝnia yì gir ka, bumi lullo arǝ alaggana male. Pǝlǝa nea wia ama, “Wu ɗekia amuna ɓǝa yiu abanam, wu kǝa pǝria ɗang. Acemǝnana domurǝm mala Ɓakuli ka, nda ace aɓwana mǝnana à nda kǝla amǝnia yia amuna ka.

Markus 16:16

Ɓwa mǝnana ak Cau Amsǝban, paɓamuri, sǝ à pakki wi batisǝma ka, nǝ̀ auwa, sǝ ɓwa mǝnana ɓinǝ ak Cau Amsǝban, paɓamuri raka, ɓashi nǝ̀ sulǝ amuri.

Markus 9:47

Sǝ ɓǝ̀ mǝsǝo na kǝ cio a kǝ pak cauɓikea, pusǝì turi! Nǝ̀ ɓoaribani wu kutio a domurǝm mala Ɓakuli nǝ mǝsǝu mwashat, amur mana a nǝ dum nǝ amǝsǝu ɓari sǝ à nǝ̀ turo aɓa lú-bǝsa ka.

Luka 13:24

Wu ɓariki wu kutio a kunkurǝm mǝnana ɓwear ka, ǝn nggǝ na wun, acemǝnana aɓwana pas à nǝ̀ ɓariki ama à nǝ̀ kutio, sǝ à pà nǝ̀ gandǝi ɗang.

Luka 13:3

Awo! Ən nggǝ na wun, ɓǝ̀ wu nying pakki acauɓikea, wu nyare aban Ɓakuli raka, wu nǝ̀ wú kat gbal.

Luka 13:5

Awo! Ən nggǝ na wun, ɓǝ̀ wu nying pakki acauɓikea wu nyare aban Ɓakuli raka, wu nǝ̀ wú kat gbal.

Yohana 1:13

Ɓǝlban malea ka, mala nkila na andǝ nggūrǝu ɗang. Pa aɓa kpapi mala mɓwama andǝ ɓwabura ɗang. Mǝnia ka pe mala Ɓakuli na.

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:4

Nikodimus ɗiban ama, “Lang sǝ à nǝ̀ ɓǝsǝlǝ ɓǝl ɓwa mǝnana gulna ka? Nǝ̀ kuti a bum ngge ɗǝm sǝ à nǝ̀ ɓǝsǝlǝ ɓǝle le?”

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Roma 14:17

Acemǝnana Domurǝm mala Ɓakuli ka, cau mala li girlina na andǝ nuki agir ɗang. Nda ace do nǝ cauɓoarna, andǝ dorǝpwala, andǝ banɓoarnado aɓa Bangŋo Mǝfele.

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

1 Amǝ Korinti 15:50

Wun amǝ'eamrǝarǝu, cau mǝnana ǝn nakiyi ka ɓālǝi nda mǝnana ama, nggūrǝu mǝnia mala nyama andǝ nkila ka, à pà nǝ̀ kutio a Domurǝm mala Ɓakuli ɗang. Anggo gbal, gir mǝnana nǝ̀ wu ka, pà nǝ̀ liɓala mala gir mǝnana pà nǝ̀ wu raka ɗang.

1 Amǝ Korinti 2:12

Sǝm ngga, sǝm ak bangŋo mala ɓanza ɗang, kǝ Bangŋo mala Ɓakuli mǝnana turabani ka nda sǝm ak ka, ace mǝnana ɓǝ̀ sǝm surǝ agir mǝnana kat Ɓakuli pa sǝm mia ɓà ka.

1 Amǝ Korinti 6:11

Sǝ aɓalǝ wun ngga, anggo sǝ aɓea aɓwana pak ɗiɗyal. Sǝ adyan ngga à langŋǝna wun, à tarna wun ace Ɓakuli, wu dumǝna amǝ'cauɓoarna aɓa lullǝ Mǝtalabangŋo Yesu Kǝrǝsti, sǝ nǝ Bangŋo mala Ɓakuli ma'sǝm.

Amǝ Galati 6:15

Ko à kasǝa sǝm ɓata sǝm, ko à kasǝa sǝm raka, kǝgir pa a ɓalǝi ɗang. Gir mǝnana kutibanì kat ka nda nggaɗiban mǝnana ama à nda bǝsa ɓwa ka.

Amǝ Afisu 5:26

Kǝrǝsti pa yilǝmi ace mǝnana ɓǝ̀ tar aɓwana male, yì ikǝlisiya, ɓǝa duk a mala Ɓakuli, nǝ̀ nggǝ lea nǝ mur lakban mala cau mala Ɓakuli.

1 Bitǝrus 1:2

Ɓakuli Tárru aɓa kane male ka tàr wun ɗiɗyal ɓǝ̀ wu duk aɓwana male nǝ́ turo mala Bangŋo ace oki Yesu Kǝrǝsti, andǝ kum lakban aɓa nkila male. Ɓǝ̀ Ɓakuli hatǝki wun nǝ ɓwamuru andǝ dorǝpwala.

1 Bitǝrus 3:21

Sǝ mǝno yì mùrgula, mǝnana aɓwana tongno-nong-tārú api wi ka, nda kǝla batisǝma mǝnana kǝ amsǝ wun ado ka. Pà ace lak pǝndǝkea mala nggūrǝu wun ɗang, nda ace lǝmndǝ eare ma'wun aban Ɓakuli nǝ ɓabum mǝɓoarnsari. Kǝ amsǝ wun acemǝnana Yesu Kǝrǝsti lo a ɓembe nǝ yilǝmu ka.

1 Yohana 2:29

Sǝ acemǝnana sǝm sǝlǝna ama yì ka, mǝ'cauɓoarna na ka, sǝm nǝ̀ sǝlǝ gbal ama aɓwana mǝnana à kǝ pak cauɓoarna ka, amuna male na.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.