Yohana 3:34 - Maləmce Məfele mala Ɓakuli: Kurcau Məbəshe

³⁴ Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Yohana 3:34 ပူးပေါင်းရင်းမြစ်များ

Matiu 12:18

“Guro mem mǝnana ǝn tarì ka ndya ka, mǝnana ǝn nggǝ earce sǝ bumam kǝ pwasǝa rǝì ka. Mǝ nǝ tsǝki wi Bangŋo mem amuri, sǝ yì ka nǝ̀ hamnǝ ɓashi mem mǝ'mǝsǝcau nì aban aɓwana a ɓanza ama à nǝ̀ kum amsǝban a buam.

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

Yohana 1:16

Aɓa ɓwamuru andǝ mǝnbu male sǝ tsǝka sǝm bu kat, kǝ pa sǝm agir mǝɓoarne a nzǝmarǝia.

Yohana 15:26

Nǝ nzǝmo ka mǝ nǝ tasǝa wun Mǝbwali aɓwana, yì Bangŋo mala mǝsǝcau mǝnana nǝ̀ pur nǝban Tar sǝm aban yiu aban wun ngga, nǝ̀ yia bang kuni kat a muram.

Yohana 16:7

Sǝ aɓa mǝsǝcau ka, o mem ngga nda ace ɓoaro ma'wun. Ɓǝn u raka, Ɓwa mǝnana nǝ̀ kwarkir wun, yì Bangŋo mala Ɓakuli ka, pà nǝ̀ yiu ɗang. Sǝ ɓǝn u ka, mǝ nǝ ngga tasǝi ɓǝ̀ yiu aban wun.

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Yohana 5:26

Kǝla mǝnana Tárram Ɓakuli nda tǝr yilǝmu ka, anggo gbal panam mim Muni ɓǝ̀ ǝn duk tǝr yilǝmu.

Yohana 7:16

Pǝlǝa Yesu nea wia ama: Agir mǝnana ǝn nggǝ kania wun ngga à mem na ɗang, à pur aban Ɓakuli mǝnana tasǝam ngga.

Yohana 8:40

Wu kǝ earce ama wu nǝ̀ wal-luem, acemǝnana ǝn bangga wun mǝsǝcau mǝnana ǝn o a kun Ɓakuli ka. Sǝ Ibǝrayim pak kǝgir anggo ɗang.

Yohana 8:47

Ɓwa mǝnana mala Ɓakuli na ka kǝ kwaki kiri arǝ cau mala Ɓakuli. Sǝ wun ngga wun ndaka mala Ɓakuli ɗang, nda gir mǝnana tsǝa sǝ wu kǝ kwaki kir wun a rǝì raka.

Amǝ Mishan 1:2

ba pwari mǝnana à twali nǝi aban ká kuli ka. Sǝ kaniama nǝ̀ o a kuli ka, kwarkir amǝ'mishan male mǝnana tàrkia ka, nǝ rǝcandǝa mala Bangŋo Mǝfele.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

Amǝ Kolosi 2:9

Acemǝnana lumsǝo mala Ɓakuli kat aɓa nggūrǝu ka, aɓa Kǝrǝsti sǝ pa.

Sǝna 21:6

Ɗǝm ngga nam ama: Ko man kat ka à malǝna pě. Mǝ nda Tite, sǝ mǝ nda Masǝlǝate. Ɓwa mǝnana kat mǝsamur wali ka, mǝ nǝ pe wi mùr ɓǝ̀ nu, aɓa mgbeaɗe mur mala yilǝmu, pà nǝ̀ mbwe kǝgir ɗang.

Sǝna 22:1

Ɗǝm ngga mǝturonjar lǝmndǝam nggeasala mala mùr pa yilǝmu. Mur nî kwar gǝraɗau kǝla kǝrstal. Kǝ ɓun aban bunomurǝm mala Ɓakuli andǝ mala Mǝgam sǝ kǝ ɓangŋa.