Yohana 3:32 - Maləmce Məfele mala Ɓakuli: Kurcau Məbəshe

³² Yì ka, yiu, yi bǝlkuni amur gir mǝnana sǝna sǝ ok ka, sǝ kǝɓwa ak cau male ɗang.

Yohana 3:32 ပူးပေါင်းရင်းမြစ်များ

Matiu 7:8

Ɓwa mǝnana kat zǝm ngga à nǝ̀ pe wi; ɓwa mǝnana alte ka nǝ̀ kumo; sǝ ɓwa mǝnana wal kunkurǝm ngga, à nǝ̀ mǝnmbi wi.

Yohana 1:11

Yiu aban aɓwana mǝnana amale na ka, sǝ amale é ɗang.

Yohana 15:15

Pa mǝ nǝ tunǝ wun ɗǝm ama aguro ɗang, acemǝnana guro ka surǝ gir mǝnana mǝtala-ɓala male kǝ pak ka ɗang. Ado ka, wu ndaka gyajam mem, acemǝnana ǝn nanà wun gir mana kat ǝn ok a kun Tárram ka.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 3:11

Mǝ nda ban no mǝsǝcau, gir mǝnana sǝm surǝì, andǝ mǝnana sǝm sǝn ngga, nda sǝm nakiyia wun ce ka. Kat andǝ amani ka wu ɓinǝ ak cau mǝnana sǝm kǝ na wun ngga.

Yohana 3:26

Sǝ alaggana mala Yohana yiu abani à yì ne wi ama, “Rabbi, ɓalǝo kasǝa arǝ ɓwa mǝnana wu nda wunǝi a nkaring Nggeasala Jodan, yì mǝnana a bangga sǝm cau amuri ka? Nda kǝ̀ pakki aɓwana batisǝma ka, sǝ aɓwana pwanǝna rǝia kat aban ká abani.”

Yohana 3:33

Sǝ ɓwa mǝnana kat ak cau male ka earǝna ama cau mala Ɓakuli ka mǝsǝcau na.

Yohana 5:20

Ɓakuli Tarrû ka kǝ earcem mim Muni, sǝ kǝ lǝmndǝam agir mǝnana kat yì nǝ nggearǝì pakkiyi ka. Yale nǝ lǝmndǝam agir mǝgulke mǝnana à kuti man ngga, sǝ wun kat wu nǝ̀ nggǝ ndalǝki.

Yohana 8:26

Mǝ ndanǝ acau pas amur wun, mǝnana mǝ nǝ ɓashia wun nǝia ka, sǝ pa mǝ nǝ pe ɗang. Tárram mǝnana tasǝam ngga mǝ'mǝsǝcau na, sǝ ǝn nggǝ ne ɓanza gir mǝnana ǝn o a kuni ka.”