Yohana 3:2 - Maləmce Məfele mala Ɓakuli: Kurcau Məbəshe

² Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 3:2 ပူးပေါင်းရင်းမြစ်များ

Matiu 22:16

Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Matiu 23:7

À earce ɓǝ̀ aɓwana makkiakun nǝ pagulo aɓa limo, sǝ ɓǝa kǝ tunǝia ama, “Malǝm.”

Matiu 23:8

Wu kǝa eare ɓǝa tunǝ wun ama “Malǝm” ɗang. Wu ndaka amǝ'eamrǝarǝu kat. Malǝm ma'wun ngga nda mwashat ɓǝrɓǝr.

Markus 12:14

À yiu abani à yì na ama, “Malǝm, sǝm sǝlǝna ama we ka a kǝ came amur mǝsǝcau. Kǝɓwa pà kàm nǝ̀ pūrǝo ata bui male ka ɗang, acemǝnana ɓwapǝndǝa kat abano ka à twalia à nda mwashat. A kǝ kani njargula mala Ɓakuli nǝ mǝsǝcau. Sǝm ngge earce wu bangga sǝm; nggurcau eare ama ɓǝ̀ sǝm mbwe boalo-cemi aban Kaisar, yì murǝm mǝgule mala amǝ Roma le, ko pa a njari ɗang?

Yohana 1:38

Yesu nǝ̀ pǝlǝ rǝì ka, kara sǝnia aban yiu ate, sǝ ɗia ama, “Mana wu earki ce?” À eare ama, “Rabbi a ya ban sǝ a pa?” (Rabbi ka ɓālǝi nda Malǝm.)

Yohana 10:38

Sǝ ɓǝ̀ aturo male na ǝn pakkiyi ka, ɓǝ̀ pà wu nǝ̀ earnǝ mim raka, wu earnǝ agir-ndali mǝnana ǝn pea ka, ace mǝnana ɓǝ̀ wu sǝlǝa, sǝ ɓǝ̀ kpaka wun ama, Tárram ngga nda a ɓalǝam, sǝ mim ngga mǝ nda aɓa Tárram.

Yohana 12:37

Kat andǝ agir-ndǝlǝki mǝnana lǝmndǝ bu Ɓakuli, mǝnana Yesu pea a ɓadǝmbǝia ka, à pà ɓamuria abani ɗang.

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 15:24

Ɓǝ̀ ǝn pakki ma agir mǝnana kǝɓwa malaká pea aɓalǝia raka, ɓǝ a pà nǝ̀ kumia nǝ cauɓikea ɗang. Sǝ ado ka à sǝnǝna amǝnia yì agir-ndali ǝn pea ka, sǝ kat andǝ mǝno ka, à ɓinǝ mǝsǝam sǝnǝ Tárram.

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 20:16

Pǝlǝa Yesu tunǝi nǝ lullǝi ama, “Maryamu!” Pǝlǝa pǝlǝ rǝì abani sǝ na ama, “Rabbonai!” (Mǝnia nǝ kun Ibǝru ka nda “Malǝm.”)

Yohana 3:26

Sǝ alaggana mala Yohana yiu abani à yì ne wi ama, “Rabbi, ɓalǝo kasǝa arǝ ɓwa mǝnana wu nda wunǝi a nkaring Nggeasala Jodan, yì mǝnana a bangga sǝm cau amuri ka? Nda kǝ̀ pakki aɓwana batisǝma ka, sǝ aɓwana pwanǝna rǝia kat aban ká abani.”

Yohana 4:31

Anggo ka, alaggana mala Yesu zǝmbǝi wi ama, “Rabbi, yiu li girlina.”

Yohana 5:36

Sǝ mǝ ndanǝ mem yi nakun a muram mǝnana kuti mana Yohana na a muram ngga. Agir mǝnana ǝn nggǝ pakkia ka, aturo mǝnana Tárram pam ama ɓǝn pakkia ka à nda. À kǝ̀ nakunam, sǝ à kǝ̀ lǝmndǝ ama Tárram nǝ turam.

Yohana 6:2

Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Yohana 7:31

Sǝ aɓa mǝno anggo kat ka aɓwana pas aɓalǝ aɓwana mǝnana à ram ngga à pà ɓamuria aban Yesu. À kǝ na ama, “Ɓǝ̀ Kǝrǝsti, yì ɓwa mǝnana Ɓakuli tarrì, yiu ka, nǝ̀ yia pakki agir-ndǝlǝki mǝnana à kuti mana mǝnia yì ɓwa ka pakkia ka le?”

Yohana 9:16

Aɓea amǝ Farisi na ama, “Mǝnia yì ɓwa yì Yesu ka, pur nǝ ban Ɓakuli ɗang, acemǝnana gusǝlǝ Sabbat ɗang.” Sǝ aɓea ɓwana ɗiban ama, “Lang sǝ mǝ'cauɓikea nǝ pak a'ulang amǝnia yì agir-ndǝlǝki ka le?” Kara aɗenyicau malea ginggia rǝia ɗàngɗáng.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 2:22

Wun amǝ Isǝrayila, wu kwaki kir wun, wu ok acau man. Yesu ɓwa Nazarat ka, ɓwa na mǝnana Ɓakuli earnǝi, sǝ lǝmndǝ ama yì nǝ̀ turi ka, sǝ pe wi rǝcandǝa mala pakki agir-ndǝlǝki andǝ agir-gyambǝliban, andǝ agir-lǝmndǝa amǝgulke. Wun nǝ ɓamur rǝ wun ngga, wu sǝlǝna, acemǝnana akani aɓalǝ wun, àkǝ̀ mǝsǝ wun sǝ pea.

Amǝ Filipi 1:14

Sǝ ace kuro mǝnana à kùrram a ndàkurban ngga, bangula amǝ'eamrǝarǝu mǝnana akani ka, à kum ɓabumcandǝa sǝ à bang cau mala Ɓakuli nǝ rǝcandǝa, ɓangciu pà kàm ɗang.