Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohana 3:18 - Maləmce Məfele mala Ɓakuli: Kurcau Məbəshe

18 “Ɓwa mǝnana kat pa ɓamuri aban Muna mala Ɓakuli ka, pà aɓata ɓashi ɗang. Sǝ ɓwa mǝnana kat ɓinǝ pà ɓamuri ka, à angŋa dǝmbǝa à kasǝna ɓashi ɓǝ̀ sulǝo amuri, acemǝnana ɓinǝ paɓamuri aban Muna mwashat ɓǝrɓǝr mala Ɓakuli ka.

အခန်းကိုကြည့်ပါ။ ကော်ပီ




Yohana 3:18
19 ပူးပေါင်းရင်းမြစ်များ  

Ɓwa mǝnana ak Cau Amsǝban, paɓamuri, sǝ à pakki wi batisǝma ka, nǝ̀ auwa, sǝ ɓwa mǝnana ɓinǝ ak Cau Amsǝban, paɓamuri raka, ɓashi nǝ̀ sulǝ amuri.


Sǝ aɓwana mǝnana kat à é, à pa ɓamuria abani ka, pania wia rǝcandǝa ɓǝa duk amuna mala Ɓakuli.


Kǝ ɓwa sǝn ma Ɓakuli àkǝ̀ pwari ɗang, she kǝ Muni mǝnana à nda mwashat andǝ yi, sǝ nda a nkanggari ka. Yì na tsǝa sǝ sǝm surǝ Tarrí ka.


Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.


“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.


Koya ɓwa na sǝ pà ɓamuri aban Muna mala Ɓakuli ka, ndanǝ yilǝmu mǝnana málá male pà kàm raka. Sǝ ɓwa mǝnana kat ɓinǝ Muna mala Ɓakuli ka pà nǝ̀ kum yilǝmu ɗang, bumlulla mala Ɓakuli ka nǝ̀ ueo amuri.


Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.


Gir mǝnana Tárram earkiyice ka, nda mǝnana ama ɓwa mana kat sǝn Muni sǝ paɓamuri abani ka, ɓǝ̀ kum yilǝmu mǝnana málá male pà kàm raka, sǝ mim gbal ka mǝ nǝ loasǝi nǝ yilǝmu a masǝlǝata apwari.”


Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.


Acemǝnana ado ka sǝm kumǝna akban aban Ɓakuli ata cau mala paɓamuru ka, sǝm ndanǝ dorǝpwala a nre sǝm sǝnǝa Ɓakuli nǝ bu Mǝtala sǝm Yesu Kǝrǝsti.


Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.


Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le?


Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?


lang sǝ sǝm nǝ̀ auwa, yi mǝnana ɓǝ̀ sǝm burice mǝnia yì amsǝban mǝgule ka? Mǝtalabangŋo bang ce a nggea dǝmbe, sǝ aɓwana mǝnana a oe nǝ kiria ka, à na sǝm ama, kǝ nda anggo.


Nda sǝm yì sǝni ka, à kum kutio ɗang, ace kǝ ɗwanyi paɓamuru malea.


Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.


Ani sǝ Ɓakuli lǝmndǝa sǝm earcearǝu, mǝnana tur Muni ɓǝrɓǝr a ɓanza, ace mǝnana ɓǝ̀ sǝm kum yilǝmu nǝbani ka.


Ɓwa mǝnana kat paɓamuri aban Muna mala Ɓakuli ka, ndanǝ mǝnia yì nakun ngga a ɓabumi. Sǝ ɓwa mǝnana earnǝ mǝnia yì nakun raka, nda ban tunǝi Ɓakuli nyir, acemǝnana ɓwe ka earnǝ nakun mǝnana Ɓakuli ne amur Muni ka ɗang.


Ɓwa mǝnana ndanǝ Muna mala Ɓakuli ka, ndanǝ yilǝmu, sǝ ɓwa mǝnana pànǝ Muna mala Ɓakuli raka, pànǝ yilǝmu ɗang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ