Yohana 3:11 - Maləmce Məfele mala Ɓakuli: Kurcau Məbəshe

¹¹ Mǝ nda ban no mǝsǝcau, gir mǝnana sǝm surǝì, andǝ mǝnana sǝm sǝn ngga, nda sǝm nakiyia wun ce ka. Kat andǝ amani ka wu ɓinǝ ak cau mǝnana sǝm kǝ na wun ngga.

Yohana 3:11 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Matiu 23:37

Oi amǝ Urǝshalima, amǝ Urǝshalima, wun amǝ'wal-lú amǝ'ɓangna mala Ɓakuli, wun amǝ'ɓukki aɓwana mǝnana Ɓakuli turia aban wun ngga. Kusǝ shen Mǝ nda arǝ earce mǝ mǝn abuam amur wun kǝla mǝnana nggu kǝ mǝnggi akpamtari amur amuni ka, sǝ wu ginǝ nkang!

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 1:11

Yiu aban aɓwana mǝnana amale na ka, sǝ amale é ɗang.

Yohana 1:18

Kǝ ɓwa sǝn ma Ɓakuli àkǝ̀ pwari ɗang, she kǝ Muni mǝnana à nda mwashat andǝ yi, sǝ nda a nkanggari ka. Yì na tsǝa sǝ sǝm surǝ Tarrí ka.

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 14:24

Ɓwa mǝnana kǝ earcem raka, pà nǝ̀ kpata kanigir mem ɗang. Sǝ acau mǝnia wu kǝ oea ka, à mem na ɗang, à pur nǝ ban Tárram mǝnana tasǝam ngga.

Yohana 3:12

Ən na wun cau mala agir mǝnana a ɓanza man ngga, sǝ wu earnǝ mim ɗang, lang sǝ wu nǝ̀ earnǝ mim yì mǝnana ɓǝ̀ ǝn na wun cau mala agir mǝnana a kuli ka?

Yohana 3:13

Kǝ ɓwa malaká eau a kuli ɗang, she kǝ yì Muna mala Ɓwa mǝnana sulǝ nǝ kuli ka.

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 5:43

Ən yiu aɓa lullǝ Tárram, sǝ wun ngga wu em ɗang, sǝ ɓǝ̀ ɓeɓwa yiu aɓa rǝcandǝa male ka wu nǝ̀ earnǝi, wu nǝ̀ é.

Yohana 7:16

Pǝlǝa Yesu nea wia ama: Agir mǝnana ǝn nggǝ kania wun ngga à mem na ɗang, à pur aban Ɓakuli mǝnana tasǝam ngga.

Yohana 8:14

Sǝ Yesu nea wia ama: Ko ɓǝ̀ ǝn nakun ɓamuram ngga, cau mem ngga à nǝ̀ earnǝi, acemǝnana ǝn surǝna rǝ ban mǝnana ǝn pur kam ngga, sǝ ǝn surǝna rǝ ban mǝnana mǝ nǝ ká kam ngga. Sǝ wun ngga, wu surǝ ban mǝnana ǝn pur kam, andǝ ban mǝnana mǝ nǝ ká kam ngga ɗang.

Yohana 8:26

Mǝ ndanǝ acau pas amur wun, mǝnana mǝ nǝ ɓashia wun nǝia ka, sǝ pa mǝ nǝ pe ɗang. Tárram mǝnana tasǝam ngga mǝ'mǝsǝcau na, sǝ ǝn nggǝ ne ɓanza gir mǝnana ǝn o a kuni ka.”

Yohana 8:38

Mim ngga ǝn nggǝ bang gir mǝnana ǝn sǝni aban Tárram ka. Sǝ wun ngga wu kǝ pak gir mǝnana tár wun kǝ na wun ngga.

Amǝ Mishan 22:18

Ən sǝn Mǝtalabangŋo Yesu nda rǝ banggam ama, “Lo, faro nying Urǝshalima, acemǝnana aɓwana man kani ka à pà nǝ̀ ak cau mǝnana a wu nǝ na a muram ngga ɗang.”

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.