Yohana 21:22 - Maləmce Məfele mala Ɓakuli: Kurcau Məbəshe

²² Yesu eari wi ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo a ɓalǝi? We ka, kpatam!”

Yohana 21:22 ပူးပေါင်းရင်းမြစ်များ

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Matiu 24:27

Yiu mala Muna mala Ɓwa ka nǝ̀ pa kǝla mǝnana tǎlaban kǝ linzama nǝ takuli sǝ aɓwana a njarnzali kǝ sǝni ka.

Matiu 24:3

Nǝ nzǝmo ka Yesu yì do amur Nkono mala anggun Olif. Alaggana male yiu abani nǝmurǝì sǝ à ne wi ama, “Sǝm ama wu bangga sǝm, a ya pwari sǝ agir mǝnia ka nǝ̀ yia pa, sǝ mana nda gir mǝnana nǝ̀ lǝmndǝ yiu mo andǝ masǝlǝata ɓanza ka?”

Matiu 24:44

Anggo gbal wu dum nǝ gilǝrǝu, acemǝnana Muna mala Ɓwa nǝ̀ yiu a bu-pwari mǝnana wu pak ɗenyicau mala yiu male raka.

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 8:22

Sǝ Yesu ne wi ama, “Nying alú ɓǝa tsǝk alú malea, sǝ we ka kpatam.”

Markus 9:1

Yesu lidǝmbǝa ne na cau ama: Ɓafo, ǝn nggǝ bangga wun, aɓalǝ wun mǝnia wu cam ngga, aɓea aɓwana nakam mǝnana à pà nǝ̀ wu raka, she ɓǝa sǝna Domurǝm mala Ɓakuli yina nǝ rǝcandǝa ka.

Yohana 21:19

Yesu na anggo ace mǝnana ɓǝ̀ lǝmndǝ ulang njar mǝnana Bitǝrus nǝ̀ wù nǝi ka, mǝnana nǝ̀ gusǝlǝ lullǝ Ɓakuli ka. Pǝlǝa Yesu ne wi ama, “Yiu atam.”

Yohana 21:21

Lang Bitǝrus nǝ̀ sǝni ka, pǝlǝa ɗi Yesu ama, “Mǝtalabangŋo, sǝ lagga man ngga, mana nǝ̀ kumi?”

1 Amǝ Korinti 11:26

Mǝnia ka lǝmndǝ ama, pwari mǝnana kat wu nda ban shak mǝnia yì bǝredi, sǝ wu nda aban nu aɓa mǝnia yì kwap ka, wu nda ban hamnǝ ce lú mala Mǝtalabangŋo ba nyare yiu male.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

1 Amǝ Tasalonika 2:19

Ɓǝ̀ mǝno na raka, mana ɗe nda tsǝkɓalǝu ma'sǝm, andǝ banɓoarnado ma'sǝm, ko mana nda mbulan mǝnana sǝm nǝ̀ jali nǝi a ɓadǝm Mǝtala sǝm Yesu a pwari yiu male? Kǝ wu nda re?

Jemis 5:7

Wun amǝ'eamrǝarǝu, wu dum nǝ munyi ba pwari mǝnana Yesu Mǝtalabangŋo nǝ̀ yiu nǝi ka. Wu sǝn domunyi mala mǝ'rya mǝnana kǝ pa aban kundǝ mbulo dǝmbǝa andǝ masǝlǝata mbulo ka. Kǝ dum nǝ tsǝkɓalǝu ace agir ɓaban ɓǝa pa ɓǝlea mǝɓoarne.

Jemis 5:8

Wun gbal ka, wu dum nǝ munyi sǝ wu cam kàngkàng aɓa ɗenyicau ma'wun, acemǝnana yiu mala Mǝtalabangŋo gbashina tu.

Sǝna 1:7

Wu sǝni! Ndya kǝ yiu aɓalǝ apǝrɓang a kuli ka. Koya ɓwa ka nǝ̀ sǝni, kat andǝ aɓwana mǝnana à zuɓi nǝ kaɗa ka; sǝ akún mǝnana a ɓanza ka, à nǝ̀ ɓua ace. E, anggo sǝ ɓǝ̀ pa! Amin.

Sǝna 2:25

Sǝa ma gir mǝnana wu ndanǝi ka, wu bwali kàngkàng she ɓǝn yina ka.

Sǝna 22:20

Yì, yì ɓwa mǝnana kǝ bangŋa ama amǝnia yì agir ka mǝsǝcau na ka, kǝ na ama, “E, mǝ ndya ǝn nggǝ yiu adyan tu ka!” “Amin! Yiu, Mǝtalabangŋo Yesu!”

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”

Sǝna 3:11

Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.