Yohana 21:2 - Maləmce Məfele mala Ɓakuli: Kurcau Məbəshe

² Shiman Bitǝrus, sǝ Toma mǝnana à tunǝki ama Pasa ka, andǝ Nataniyel ɓwa Kana mala Galili, andǝ amuna-burana mala Zabadi, andǝ aɓea alaggana mala Yesu ɓari, à nda a tarǝia kat.

Yohana 21:2 ပူးပေါင်းရင်းမြစ်များ

Matiu 10:3

Filip andǝ Batalomi; Toma, andǝ Matiu (mǝ'ak boalo-cemi); Jemis (muna mala Alfiyus), andǝ Tadawus;

Markus 1:19

Nǝ̀ tur a dǝmbǝa bǝti anggo ka, nyare sǝn Jemis, muna mala Zabadi a tarǝia andǝ mǝ'eambǝi Yohana. Yia ka à nda aɓa waru aban gilǝki andámbú malea.

Luka 5:10

Anggo gbal sǝ aɓi amǝturo mala Shiman, yia Jemis andǝ Yohana, amuna mala Zabadi ndali. Yesu pǝlǝa ne Shiman ama, “Ɓangciu ɓǝ̀ kǝa pakko ɗang, twal ado ka, aɓwana na a nǝ nggǝ bwalia ɓǝa yiu abanam ngga, anji na ɗang.”

Yohana 1:45

Filip alta Nataniyel yi kumi sǝ ne wi ama, “Sǝm kumǝna ɓwa mǝnana Musa gilǝgir amuri aɓa malǝmce Nggurcau mala Musa, andǝ mǝnana à gilǝa aɓa malǝmce mala amǝ'ɓangna mala Ɓakuli ka, yì Yesu ɓwa Nazarat, muna mala Yisǝfu.”

Yohana 11:16

Toma (mǝnana à tunǝki ama Pasa ka) ne aɓi alaggana ama, “Wu longŋi kat sǝm nǝ̀ o ata Malǝm, ace mǝnana ɓǝ̀ sǝm kya wu ate!”

Yohana 2:1

A tāruia nongŋo ka, à ndanǝ isǝban a Kana a nzali Galili, sǝ nggea Yesu nakam abanì.

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Yohana 4:46

Aɓa gya mala Yesu aɓa nzali Galili ka kya kuti ɗǝm a Kana, la mǝnana tsǝk mùr pǝlǝ mùr ɓǝlanggun anap kam ngga. Ɓe mǝtamurǝm na kam a Kapanahum, muni ka mǝkwano na.