Yohana 21:17 - Maləmce Məfele mala Ɓakuli: Kurcau Məbəshe

¹⁷ Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Yohana 21:17 ပူးပေါင်းရင်းမြစ်များ

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Markus 14:72

Banì sau ɗang, nggu ɓua ɓaria kuni. Kara ɓalǝ Bitǝrus kasǝ arǝ cau mǝnana Yesu ne wi ama, “Kaniama ɓǝ̀ nggu ɓua kuni ɓari ka, a nǝ bang kusǝ tārú ama a surǝam ɗang.” Sǝ Bitǝrus kpa ɓua.

Yohana 12:8

Wun ngga, wu nda a tarǝ wun wunǝ amǝtǝr ko aya pwari ka, sǝ mim ngga ǝn pa ata wun koya pwari ɗang.”

Yohana 13:38

Yesu ear ama, “A na ama a nǝ pa yilǝmio, a nǝ wu acem ɓafo? Mǝ nda ban banggo mǝsǝcau, kaniama nggǔ nǝ̀ ɓua ka, a nǝ makgirem kusǝ tārú ama a surǝam ɗang.”

Yohana 14:15

Ɓǝ̀ wu kǝ earcem ngga, wu nǝ̀ kpata anzongcau mem.

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 16:30

Adyan ngga sǝm sǝlǝna ama we ka a surǝ agir kat, ɓwa pà nǝ̀ na ama nǝ̀ ɗio kǝ cau ɗang. Ace mǝno ka sǝm earǝna ama we ka a pur nǝban Ɓakuli.”

Yohana 18:27

Bitǝrus nyare tǝmce, ama, “Awo mǝ nda ɗang.” Anggo ka, kara gwakurok ɓua.

Yohana 18:4

Sǝ Yesu ka angŋa dǝmbǝa sǝlǝna gir mǝnana nǝ̀ kumi ka, pǝlǝa puro cam a ɓadǝmbǝia, sǝ ɗia ama, “Yana ɓwe na wu alkite?”

Yohana 21:18

Mǝ nda ban banggo mǝsǝcau: mǝnana a kǝ long-nǝ-lo ka, a kǝ gandǝ oasǝ agir a rǝo sǝ a kǝ wari aban mǝnana kat a earce a nǝ ká kam ngga. Sǝ ɓǝ̀ a enà ka, a nǝ sarǝ abuo, sǝ aɓea ɓwana ɗang na à nǝ̀ oasǝo agir a rǝo, sǝ à nǝ̀ ká nǝ we, aban mǝnana a earce ká kam raka.”

Yohana 4:16

Yesu ne wi ama, “Kyane kya tunǝ burrio wu yiu.”

Amǝ Mishan 1:24

Pǝlǝa à pak hiwi ama, “We Mǝtalabangŋo, mǝnana surǝ ɓabum koyan kat ka, lǝmndǝa sǝm yana a twalo aɓalǝ aɓwana mǝnia ɓari ka,

Amǝ Mishan 11:10

Mǝnia pa anggo kusǝ tārú, sǝ a masǝlǝate ka à yì nyesǝ gir ni a kuli.

Amǝ Mishan 15:8

Ɓakuli mana surǝ ɓabum koyan ngga, yi lǝmndǝna ama, yì ka, angŋǝnia, acemǝnana pea wia Bangŋo Mǝfele kǝla mana pa sǝm ngga.

2 Amǝ Korinti 1:12

Nggori ma'sǝm ngga, nda mǝnana ama, giu-ɓabum sǝm kǝ bangga sǝm ama aɓa mǝsǝcau ka sǝm dumǝna do ɓanza nǝ ɓabum ɓoarnsari. Sǝm dumǝna gbal nǝ ɓabum sǝm mwashat mǝnana kǝ pur nǝban Ɓakuli ka, nggeamurǝmi ka, mǝnana lǝmndǝa aɓa dotarǝu ma'sǝm sǝnǝa wun ngga. Sǝ mǝno ka sǝm pè aɓa kpata sǝlǝe mala ɓwapǝndǝa ɗang, nda nǝ ɓwamuru mala Ɓakuli.

Amǝ Afisu 4:30

Wu kǝa lul bum Bangŋo Mǝfele mala Ɓakuli ɗang. Wu sǝlǝna ama Bangŋo na kǝ lǝmndǝ ama wu nda ka mala Ɓakuli, sǝ wu nǝ̀ kum auwa a pwari amsǝban ngga.

1 Bitǝrus 1:6

Mǝnia ka kǝ pa wun banɓoarnado kǝ̀rkǝ́r, kat andǝ amani ama adyan aɓa bu-pwari bǝti ka, dumǝna ama wu nǝ̀ kutio aɓa bumkiɗikea ata cau mala akárǝkiban ɗàngɗáng.

2 Bitǝrus 3:1

Wun amǝ'eamrǝarǝu, mǝnia ka nda ɓaria cautera mem aban ká aban wun. Aɓalǝia kǝm ngga, ǝn ɓariki mǝ nǝ kasǝɓalǝ wun arǝ agir mǝnana wu surǝnia, sǝ mǝ loasǝ aɗenyicau mǝɓoarne aɓalǝ wun.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.

Sǝna 3:19

Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!