Yohana 21:16 - Maləmce Məfele mala Ɓakuli: Kurcau Məbəshe

¹⁶ Yesu ɗi ɗǝm ama, “Shiman muna mala Yohana, a earcem le?” Shiman ama, “E, Mǝtalabangŋo, a sǝlǝna ama ǝn nggǝ earceo.” Yesu ne wi ama, “Tsǝkir anzur mem.”

Yohana 21:16 ပူးပေါင်းရင်းမြစ်များ

Matiu 2:6

“ ‘We Betalami, a nzali Yahudi, a gatti pale ɗang a ta amurǝma mala nzali Yahudi. Acemǝnana a ɓalǝo sǝ murǝm nǝ̀ puro, mǝnana nǝ̀ yal aɓwana mem amǝ Isǝrayila ka.’”

Matiu 25:32

Ɓwapǝndǝa man kat a ɓanza ka nǝ̀ rambǝa a ɓadǝmbǝi, sǝ nǝ̀ gau aɓwana aɓalǝ aɓwana kǝla mana yalgir kǝ gau anzur aɓalǝ ambulpǝndǝa ka.

Matiu 26:72

Bitǝrus nyare makgir ɗǝm nǝ kana ama: “Awo, ǝn surǝ ɓwe mǝno ɗang!”

Luka 19:10

Muna mala Ɓwa ka, yiu àkǝ̀ ce alta gir mǝnana ɓwàr ka, nǝ̀ amsǝi.”

Yohana 18:17

Muna mɓwame ɗi Bitǝrus ama, “A nda gbal aɓalǝ amǝkpata ɓwa mǝno à bwali ka le?” Bitǝrus eari wi ama, “Awo, ǝn pa aɓalǝia ɗang.”

Yohana 18:25

Aɓa mǝno anggo ka, Shiman Bitǝrus na àkǝ̀ bancame a kun bǝsa, aban dandǝ rǝì. Sǝ aɓwana abanì ɗi ama, “We ka, a pa aɓalǝ alaggana mala ɓwa mǝno re?” Pǝlǝa yì ka, tǝmce, na ama, “Awo, ǝn pa aɓalǝia ɗang.”

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Bitǝrus 5:2

Wu yal domwan mala Ɓakuli mǝnana tsǝk wun a yale ka. Wu tsǝk mǝsǝ wun a rǝì nǝ eare ma'wun, kǝla mǝnana Ɓakuli earce ka, pa kǝla à tsǝk wun púp ɗang. Wu pak ture sǝ wu kǝa tsǝk ɓalǝ wun arǝ gir mǝnana wu nǝ̀ kumo a ɓalǝi ka ɗang, wu pe acemǝnana wu ndanǝ rǝɓǝla mala pakki Ɓakuli turo ka.

Sǝna 7:17

Acemǝnana Mǝgam mana nda a ɓaɓalǝu aban bunomurǝm ngga, nǝ̀ dupia wia yalgir amuria; nǝ̀ kánǝia aban amgbeaɗe mǝnana à pākiyi mur yilǝmu ka. Sǝ Ɓakuli ka nǝ̀ esǝkia wia mǝrǝm kat a mǝsǝia.”