Yohana 21:15 - Maləmce Məfele mala Ɓakuli: Kurcau Məbəshe

¹⁵ Anzǝm mǝnana à lina girlina ka, Yesu pǝlǝa ɗi Shiman Bitǝrus ama, “Shiman muna mala Yohana, a earcem kuti amǝnia ka le?” Bitǝrus eare ama, “E, Mǝtalabangŋo, a sǝlǝna ama ǝn nggǝ earceo.” Yesu banggi wi ama, “Ɗenyi nǝ amuna-nzur mem.”

Yohana 21:15 ပူးပေါင်းရင်းမြစ်များ

Matiu 10:37

Ɓwa mǝnana earce tarrí ko ngge kutiam ngga, kārǝa nǝ̀ duk mǝkpatam ɗang. Ɓwa mǝnana earce muni mǝɓwabure ko mǝɓwame kutiam ngga, kārǝa nǝ̀ duk mǝkpatam ɗang.

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 26:33

Bitǝrus eari wi ama, “Ko ɓǝ̀ aɓwana kat ɓangŋa à ɗekio ka, mim ngga pà mǝ nǝ ɓang ɗang.”

Matiu 26:35

Bitǝrus bangŋa ama, “Ko ɓǝ̀ mǝ nǝ wu sǝnǝ we ka, pà mǝ nǝ ɓinǝo ɗang.” Sǝ acili alaggana gbal ka à bangŋa anggo.

Markus 14:29

Bitǝrus pǝlǝi wi ama, “Ko ɓǝa aɓwana kat à nǝ̀ ɓangŋa à nǝ̀ nyio ka, mem ngga pà mǝ nǝ ɓang ɗang!”

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

Yohana 1:42

Sǝ yinǝ Shiman aban Yesu. Yesu sǝni kyap-kyap, sǝ na ama, “A nda Shiman muna mala Yohana. À nǝ̀ tunǝo ama, Kefas.” (Tǝr Kefas nda Bitǝrus, ɓālǝi ama, Tali.)

Yohana 13:37

Pǝlǝa Bitǝrus ɗi ama, “Mǝtalabangŋo, ace mana sǝ pà mǝ nǝ gandǝ ká ato ado ɗang? Ən earǝna mǝ nǝ wu aceo.”

Yohana 16:27

Tárram nǝ ɓamuri ka kǝ earce wun kǝrkǝr, acemǝnana wu kǝ earcem, sǝ acemǝnana wu earnǝ mim ama ǝn pur nǝ bani ka.

Yohana 21:12

Yesu pǝlǝa tunǝia ama, “Wu yiu wu lili!” Sǝ kǝɓwa pà kàm ata alaggana male, mǝnana gandǝ ɗi ama, a nda yana le ka ɗang, acemǝnana yia kat ka, à sǝlǝna ama Mǝtalabangŋo na.

Yohana 21:7

Sǝ lagga mǝnana Yesu earkiyi ace raka ne Bitǝrus ama, “Mǝtalabangŋo na!” Lang Shiman Bitǝrus oe ama Mǝtalabangŋo na ka, kara twal daura male mǝnana swárí sǝ kuti a turo ka, oasǝi a rǝì, tǎ zurro a mur sǝ oakio aban ká a kun mur.

Yohana 8:42

Sǝ Yesu nea wia ama: Ɓǝ̀ tar wun nda Ɓakuli ka, wu nǝ̀ earcem, acemǝnana ǝn pur aban Ɓakuli, sǝ ado ka mǝ ndakani. Ən yipi ɓamuram ɗang, Ɓakuli nǝ̀ turam.

Amǝ Mishan 20:28

Wu yal ɓamur rǝ wun andǝ aɓwana mala Ɓakuli mǝnana Bangŋo Mǝfele pa wun a bu wun ɓǝ̀ wu ɗenyi nǝia ka. Wu do kǝla ayalgir amur domwan mala Ɓakuli, yì ikǝlisiya male, amǝkpate mǝnana kúria nǝ nkila mala Muni, mǝnana sukki amur nggun-gangndi ace amsǝia ka.

Amǝ Mishan 20:29

Ən sǝlǝna ama anzǝm mǝnana ǝn nyingŋǝna ban wun ngga, amǝkanigir-nyir, kǝla anvwa bondo mǝɓealɓike, à nǝ̀ yiu aɓalǝ wun, ace mǝnana à nǝ̀ kiɗiki domwan mala Ɓakuli, amǝkwaɗi ka.

Amǝ Roma 14:1

Mǝkwaɗi mǝnana pànǝ rǝcandǝa aɓa paɓamuru male aban Ɓakuli raka, wu é, sǝ wu kǝa kutia makgir andǝi amur agir mǝnana aɓwana kat sǝ à eare amuri raka ɗang.

Amǝ Roma 15:1

Sǝm mǝnana sǝm ndanǝ rǝcandǝa ka, ɓoaro ɓǝ̀ sǝm bwali aɓwana mǝnana à gatti ka, ce sǝm lǝmndǝ earce ɓamuru ɗang.

1 Amǝ Korinti 8:11

Anggo sǝ mǝ'eambǝo mǝnana pànǝ rǝcandǝa aɓa paɓamuru raka, yì ɓwa mǝnana Kǝrǝsti wu aceì ka, nǝ̀ ɓwarkî njar, ata cau mala “surǝgir” mo!

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Afisu 4:14

Anggo ka, pa sǝm nǝ̀ duk amuna ɗǝm ɗang. Pa sǝm nǝ̀ eare ɓǝ̀ sǝm nggǝ nggaɗiki ɗenyicau ma'sǝm arǝ gir mǝnana sǝm earǝna nǝi ka, nǝ koya bǝsa kanigir mala aɓwana amǝ ɓosǝkiban nǝ anyir aɓa kutan, mǝnana à kùrrì aɓa sǝmbǝrǝa ace swarkiban ngga ɗang.

Amǝ Afisu 6:24

Ɓǝ̀ ɓwamuru mala Ɓakuli do ata aɓwana mǝnana kat à earce Mǝtala sǝm Yesu Kǝrǝsti ka nǝ earcearǝu mǝnana malkiyi raka.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.

1 Bitǝrus 1:8

Kat andǝ amani ama wu malaká sǝni àkǝ̀ pwari raka, wu kǝ earce; sǝ kat andǝ amani ama wu kǝ sǝni ado raka, wu earnǝi, sǝ wu kǝ pak banɓoarnado kǝrkǝr, ulang mǝnana gulo male ka mburkun pa nǝ̀ gandǝ bangŋe raka.

1 Bitǝrus 2:2

Wu pa kǝla abangna-muna, rǝ wun ɓǝ̀ kǝ ɓǝla arǝ nu kiura mǝɓoarnsari mala cau mala Ɓakuli, ace mǝnana ɓǝ̀ wu gulo a ɓalǝi, ɓǝ̀ kyan nǝ wun a amsǝban,

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Yohana 4:19

Sǝm nggǝ lǝmndǝ earcearǝu, acemǝnana Ɓakuli na tita lǝmndǝa sǝm earcearǝu ka.

1 Yohana 5:1

Ɓwa mǝnana kat ear ama Yesu nda Kǝrǝsti ka, ɓǝlban mala Ɓakuli na. Sǝ ɓwa mǝnana kat kǝ earce Ɓakuli Tarrú ka, nǝ̀ earce amuna mala Ɓakuli gbal.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.