Yohana 20:30 - Maləmce Məfele mala Ɓakuli: Kurcau Məbəshe

³⁰ Yesu pakki aɓea agir-ndǝlǝki pas a mǝsǝ alaggana male, mǝnana à gilǝia aɓa malǝmce mǝnia raka.

Yohana 20:30 ပူးပေါင်းရင်းမြစ်များ

Yohana 2:11

Gir'ndǝlǝki mǝnia Yesu pe a Kana, a nzali Galili ka, nda mǝdǝmbe mala agir-ndali male mǝnana lǝmndǝ gulo male ka. Sǝ alaggana male sǝni à pa ɓamuria abani.

Yohana 21:25

Aɓea agir nakam pas mǝnana Yesu pea ka, yale ɓǝa na ama, à nǝ̀ kpatea mwashat-mwashat à nǝ̀ gilǝia kat ka, ǝn nggǝ sǝni nǝma ɓanza kat ka, pà nǝ̀ gandǝ bwal amalǝmce mǝnana à nǝ̀ gilǝia ka ɗang.

Yohana 6:2

Ɓwabunda mǝlake o ate, acemǝnana à sǝn agir-ndǝlǝki mǝnana twalban rǝkwana ka.

Amǝ Roma 15:4

Agir mǝnana à gilǝia kat aɓa Malǝmce ɗiɗyal ka, à gilǝia ace kwarkir sǝm, ace mǝnana nǝ ɓakɓabum andǝ munyi mǝnana sǝm nǝ̀ kumo aɓa cau mala Malǝmce ka, sǝm nǝ̀ dum nǝ tsǝkɓalǝu.

1 Amǝ Korinti 10:11

Amǝnia yì agir kumia ka, à dumǝna sǝm agirkani, sǝ à gilǝia ace nunkir sǝm, sǝm mǝnana ado masǝlǝata anza yina amur sǝm ngga.

1 Yohana 5:13

Wun aɓwana mǝnana wu guli arǝ lullǝ Muna mala Ɓakuli ka, ǝn nggǝ gilǝa wun mǝnia yì cau ka, ace mǝnana ɓǝ̀ wu sǝlǝa aɓa mǝsǝcau ama wu ndanǝ yilǝmu mǝnana málá male pà kàm raka.