Yohana 20:27 - Maləmce Məfele mala Ɓakuli: Kurcau Məbəshe

²⁷ Pǝlǝa lǝmndǝì Toma abui sǝ ne wi ama, “Sǝn abuam; sǝ wu tsǝk munabuo kani; sarǝ buo ci a rǝ pengye mana a mǝsǝ nkanggariam ngga. Ɗeki ɓabum tuti mo, earnǝ cau!”

Yohana 20:27 ပူးပေါင်းရင်းမြစ်များ

Matiu 17:17

Yesu pǝlǝa na ama, “Wun aɓwana mala nza mala kìɗìkì andǝ amǝ'ɗwanyi paɓamuru aban Ɓakuli! Nǝ̀ ngga ká a ya pwari sǝ mǝ nǝ do ata wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nggǝ twal gandǝrǝu nǝ ɗwanyi earnǝ cau ma'wun a rǝam? Wu yinǝ mune abanam.”

Markus 9:19

Yesu nea wia ama, “Wun amǝ ɗwanyi earnǝ Ɓakuli! Banem nǝ̀ sau lang ata wun sǝ wu nǝ̀ kani earnǝ cau? Banem nǝ̀ sau lang aban twal gandǝa nǝ wun? Wu yinǝam nǝ mune!”

Luka 24:39

Wu sǝn abuam andǝ akusǝam, mǝ nda nǝ ɓamuram! Wu jem, sǝ wu sǝni, acemǝnana lú pà nǝ́ nyama andǝ amú kǝla mǝnana wu sǝni mǝ ndanǝia ka ɗang.”

Luka 24:40

Lang nania wia anggo ka, pǝlǝa lǝmndǝia wia abui andǝ akusǝi.

Luka 9:41

Sǝ Yesu pǝlǝia wia ama, “Wun a nza man ngga wu nda wu pak murcandǝa sǝ wu ɗwanyi paɓamuru aban Ɓakuli ka! Banem nǝ̀ sau lang aban do sǝnǝa wun sǝ wu nǝ̀ kànì pak ɓe kǝgir? Nǝ̀ ngga ká a ya pwari sǝ mǝ nǝ nggǝ twal gandǝrǝu nǝ wun?” Pǝlǝa ne ɓwabure ama, “Yinǝ munio kani.”

Yohana 20:20

Lang bangŋǝna anggo ka, pǝlǝa lǝmndǝia wia anpenye mǝnana arǝ abui andǝ nkanggari ka. Alaggane lumsǝ nǝ banɓoarnado acemǝnana à sǝnǝna Mǝtalabangŋo ka.

Yohana 20:25

Pǝlǝa aɓi alaggana banggi wi ama, “Sǝm sǝnǝna Mǝtalabangŋo!” Sǝ Toma banggia wia ama, “Mim ngga pà mǝ nǝ earnǝ mǝno ka ɗang, she ɓǝn sǝnǝna akun anpenye mala akūsà mǝnana arǝ abui, sǝ ǝn jena kun anpenye nǝ munabuam, sǝ ǝn tsǝngŋǝna buam arǝ pengye mǝnana a nkanggari ka.”

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Amǝ Roma 5:20

À pà Nggurcau mala Ɓakuli, ace mǝnana ɓǝa ɓwana sǝn lime andǝ gulo mala cauɓikea malea. Sǝ lang ɓwapǝndǝa camarǝ lidǝmbǝa aɓa cauɓikea ka, ɓwamuru mala Ɓakuli kǝ gulo kǝ tur a dǝmbǝa kǝrkǝr.