Yohana 20:23 - Maləmce Məfele mala Ɓakuli: Kurcau Məbəshe

²³ Ɓǝ̀ wu twali aɓwana ban acauɓikea malea ka, à twalǝnia wia banì. Sǝ ɓǝ̀ wu twalia wia banì raka, yia ka à twalia wia banì gbal ɗàng.”

Yohana 20:23 ပူးပေါင်းရင်းမြစ်များ

Matiu 16:19

Mǝ nǝ po akyî mala Domurǝm mǝnana a kuli ka; gir kat mǝnana à kùrrì a ɓanza ka anggo sǝ à nǝ̀ kùrrì a kuli, sǝ gir kat mǝnana a panzǝi a ɓanza ka anggo sǝ à nǝ̀ panzǝi a kuli.

Matiu 18:18

Ən nggǝ na wun mǝsǝcau gir mǝnana kat wu kùrrì a ɓanza ka à nǝ̀ kùrrì a kuli, sǝ gir mǝnana kat wu panzǝi a ɓanza ka à nǝ̀ panzǝi a kuli.

Yohana 20:22

Pǝlǝa pyaupia wia lin'ueo amuria sǝ na ama, “Wu ak Bangŋo Mǝfele.

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 2:38

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

1 Amǝ Korinti 5:4

Aɓa lullǝ Yesu Kǝrǝsti, wu tunǝ kpapi mala amǝkwaɗi, sǝ mim ngga ɗenyicau mem nakam aɓalǝ wun, sǝ rǝcandǝa mala Mǝtalabangŋo Yesu gbal ka, nda kam aɓalǝ wun. Aban mǝnia yì kpapi ka,

Amǝ Afisu 2:20

Sǝm dapi kat ka, sǝm dumǝna ɓala male, mǝnana à ɓè amur kusǝɓa mala amǝ'mishan andǝ amǝ'ɓangna mala Ɓakuli ka. Sǝ nggea tali mǝnana kùr kusǝɓǎ ka, nda Kǝrǝsti Yesu nǝ nggearǝì.

1 Timoti 1:20

A ulang yia ka à nda ka Hemǝniyos andǝ Alizanda. Yia kǝm ngga, ǝn tasǝnia a ɓabu Shetan; mǝnia ka nǝ̀ kania wia gir ace mǝnana ɓǝa kǝa zalǝ Ɓakuli raka.