Yohana 20:20 - Maləmce Məfele mala Ɓakuli: Kurcau Məbəshe

²⁰ Lang bangŋǝna anggo ka, pǝlǝa lǝmndǝia wia anpenye mǝnana arǝ abui andǝ nkanggari ka. Alaggane lumsǝ nǝ banɓoarnado acemǝnana à sǝnǝna Mǝtalabangŋo ka.

Yohana 20:20 ပူးပေါင်းရင်းမြစ်များ

Matiu 28:8

Amamǝna man nying ɓembe tsuk-tsuk. Ɓangciu pakkia wia sǝ bumia pwasǝ kǝrkǝr. À ɓangŋa à nǝ̀ ngga banggi alaggana male ce.

Yohana 16:20

Mǝ ndarǝ na wun mǝsǝcau: Wu nǝ̀ ɓua nǝ mǝrǝm, andǝ keban, amur gir mǝnana nǝ̀ kumam ngga, sǝ amǝ ɓanza ka à nǝ̀ pak bumpwasǝa. Wu nǝ̀ pak bumkiɗikea, sǝ bumkiɗikea ma'wun nǝ̀ yia pǝlǝ bumpwasǝa.

Yohana 16:22

Anggo sǝ wu pa: Adyan ngga wu ndanǝ bumkiɗikea, sǝ ǝn nggǝ na wun ama, mǝ nǝ ngga sǝn wun ɗǝm, sǝ ɓabum wun ngga nǝ̀ pakiɗire, ulang bumpwasǝa mǝnana kǝɓwa pà nǝ̀ é arǝ wun raka.

Yohana 19:34

Sǝa ma, mwashat aɓalǝ amǝnia yì asoje ka, zuɓi Yesu a nkanggari nǝ kaɗa, kara nkila andǝ mur puro aban sukkio.

Yohana 20:25

Pǝlǝa aɓi alaggana banggi wi ama, “Sǝm sǝnǝna Mǝtalabangŋo!” Sǝ Toma banggia wia ama, “Mim ngga pà mǝ nǝ earnǝ mǝno ka ɗang, she ɓǝn sǝnǝna akun anpenye mala akūsà mǝnana arǝ abui, sǝ ǝn jena kun anpenye nǝ munabuam, sǝ ǝn tsǝngŋǝna buam arǝ pengye mǝnana a nkanggari ka.”

Yohana 20:27

Pǝlǝa lǝmndǝì Toma abui sǝ ne wi ama, “Sǝn abuam; sǝ wu tsǝk munabuo kani; sarǝ buo ci a rǝ pengye mana a mǝsǝ nkanggariam ngga. Ɗeki ɓabum tuti mo, earnǝ cau!”

1 Yohana 1:1

Sǝm hamba wun cau amur ɓwa mǝnana ndakam a tite ka. Yì nda mǝnana kir sǝm ongŋǝni, sǝ mǝsǝ sǝm sǝnǝni ka. Sǝm pelǝkini sǝ sǝm jeni nǝ abu sǝm. Yì ka, nda Cau mala Yilǝmu.