Yohana 20:19 - Maləmce Məfele mala Ɓakuli: Kurcau Məbəshe

¹⁹ Nǝ pwarikpǝra a mǝno yì pwari a nzǝm pwari Sabbat ka, alaggana mala Yesu na a tarǝia aɓa kurǝm. À girki akunkurǝm acemǝnana à kǝ ɓanggi aɓwana-mǝgule mala amǝ Yahudi. Ɓalǝia ama nǝ̀ kasǝ ka, kara à sǝn Yesu purna, camǝna aɓalǝia, sǝ nea wia ama, “Ɓǝ̀ rǝ wun pwalo.”

Yohana 20:19 ပူးပေါင်းရင်းမြစ်များ

Matiu 10:13

Ɓǝ̀ amǝɓalae ak wun ngga, ɓǝ̀ dorǝpwala ma'wun do atea, sǝ ɓǝa ak wun raka, ɓǝ̀ dorǝpwala ma'wun nyare ata wun.

Matiu 18:20

Ɓǝ̀ aya ban sǝ aɓwana ɓari ko tārú kpapi aɓa lullǝam ngga, Mǝ nda aɓalǝia.

Markus 16:14

Nǝ nzǝmo ka Yesu yi pusǝrǝi aban alaggana man lum-nong-mwashat ka aban li girlina a tarǝia. Pǝlǝa nunkiria ace ɗwanyi earnǝ cau andǝ murcandǝa malea mǝnana à ɓinǝ akcau mala aɓwana mǝnana à sǝni anzǝm loapi ɓembe male ka.

Yohana 14:27

Mǝ ndya ǝn nggǝ nying wun nǝ dorǝpwala ka. Sǝ mǝnia yì dorǝpwala ǝn pākiyi ka, ɓanza pànǝi nǝ̀ pà ɗang. Ace mani ka, ɓǝ̀ ɓabum wun ɓǝ̀ kǝa kiɗiki ɗang, sǝ ɓangciu ɓǝ̀ kǝa pakka wun ɗang.

Yohana 16:22

Anggo sǝ wu pa: Adyan ngga wu ndanǝ bumkiɗikea, sǝ ǝn nggǝ na wun ama, mǝ nǝ ngga sǝn wun ɗǝm, sǝ ɓabum wun ngga nǝ̀ pakiɗire, ulang bumpwasǝa mǝnana kǝɓwa pà nǝ̀ é arǝ wun raka.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 20:21

Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”

Yohana 20:26

Anzǝm nongŋo tongno-nong-tārú ka, alaggana na ɗǝm a tarǝia a ɓala andǝ Toma, sǝ akunakurǝm ngga à girkinia kat; kara Yesu yi cam ɗǝm aɓalǝia sǝ bangŋa ama, “Ɓǝ̀ rǝ wun pwalo.”

Yohana 21:1

Nǝ nzǝmo ka, Yesu nyar ɗǝm pusǝrǝi aban alaggana male a kun Garang Tiberiya. Ani sǝ gir nî pa.

Yohana 21:14

Mǝnia ka nda tāruia pusǝrǝu mala Yesu aban alaggana male anzǝm loapi ɓembe male.

Yohana 7:13

Sǝ kǝɓwa puro na cau bwāng amuri ɗang, acemǝnana à kǝ ɓanggi aɓwana-mǝgule mala amǝ Yahudi.

Amǝ Mishan 1:3

Anzǝm tanni andǝ lú mala Yesu ka, yi long nǝ yilǝmu ɗǝm. Aɓalǝ anongŋo lumi-ine, pusǝrǝi kusǝ pas aban alaggana male, arǝ anjar ɗàngɗáng mǝnana lǝmndǝia wia ama kàngkàng longŋǝna ndanǝ yilǝmu ka. À sǝni nǝ mǝsǝia sǝ bangcau nǝia amur Domurǝm mala Ɓakuli.

Amǝ Roma 15:33

Adyan ngga, yì Ɓakuli, mǝtala dorǝpwala ɓǝ̀ do ata wun. Amin.

1 Amǝ Korinti 15:5

Kefas sǝni nǝ mǝsǝì, sǝ Alaggana mana Lum-nong-ɓari ka à sǝni gbal.

Amǝ Afisu 2:14

Kǝrǝsti nǝ nggearǝì ka, yina nǝ dorǝpwala. Aɓa lú male amur nggun-gangndi ka, yi dapi amǝ Yahudi andǝ aɓwana mala acili anzali, à duk aɓwana mǝ'mwashati. Yi arki sheran mala ɓinǝ-mǝsǝarǝu mǝnana gau nre sǝm ngga.

Amǝ Afisu 6:23

Ɓǝ̀ rǝ wun pwalo, wun amǝ'eamrǝarǝu, sǝ ɓǝ̀ Ɓakuli Tarrû andǝ Mǝtalabangŋo Yesu Kǝrǝsti, pa wun ɓabum earcearǝu andǝ domǝsǝcau.

Amǝ Filipi 1:2

Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, pa wun ɓwamuru andǝ dorǝpwala.

2 Amǝ Tasalonika 3:16

Ado ka, ɓǝ̀ Mǝtala dorǝpwala nǝ ɓamuri, pa wun dorǝpwala ko aya pwari, a ko ya njargula kat. Mǝtalabangŋo ɓǝ̀ do ata wun kat.

Amǝ Ibǝru 7:2

Ibǝrayim twal mwashat-aɓa-lum mala koya gir mǝnana kumo aban lwa ka, sǝ pe Melkizedek. Lullǝu mǝnia ama Melkizedek ka, ɓālǝi nda “murǝm ɓealɓoarna”; sǝ ɗǝm ngga, yì nda “murǝm mala Salem”, sǝ murǝm Salem ngga ɓālǝi nda “murǝm dorǝpwala.”

3 Yohana 1:14

Mǝ ndanǝ tsǝkɓalǝu mǝ nǝ yiu abano banì pà nǝ̀ sau ɗang, sǝ sǝm nǝ̀ yia na cau a kunnarǝ sǝm.

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.