Yohana 2:2 - Maləmce Məfele mala Ɓakuli: Kurcau Məbəshe

² À tunǝ Yesu andǝ alaggana male aban isǝbanì.

Yohana 2:2 ပူးပေါင်းရင်းမြစ်များ

Matiu 12:19

Pà nǝ̀ pǝlǝki rǝì andǝ kǝɓwa, ko nǝ̀ loasǝban ɗang; kǝɓwa pà nǝ̀ ok gi aɓalǝ aɓwana ɗang.

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 25:45

Yì ka, nǝ̀ earia wia ama, “Ɓafo, ǝn nggǝ bangga wun, gir mana kat wu ginǝ pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu ginǝ pakkam ngga.”

Yohana 2:12

Anzǝm man ngga, Yesu andǝ ngge andǝ amǝ'eambǝi andǝ alaggana male o a Kapanahum sǝ à kya nonggi kam zuku.

Yohana 2:17

Sǝ ɓalǝ alaggana male kasǝa arǝ cau mǝnana Malǝmce na ama, “Rǝɓǝla mem arǝ Ɓala mo we Ɓakuli ka, nǝ̀ earke a ɓalǝam kǝla bǝsa.”

Yohana 2:22

Anzǝm mǝnana Yesu longŋǝni ɓembe ka, sǝ ɓalǝ alaggana male kasǝa ama, Yesu nania wia. Pǝlǝa à earnǝ Malǝmce andǝ acau mǝnana Yesu nea wia ka.

Yohana 2:3

À nda ɓa pakiɗire ka, mùr ɓǝlanggun anap málá a rǝia. Nggea Yesu yi ne wi ama, “Mùr ɓǝlanggun anap malea malǝna.”

Yohana 3:22

Anzǝm man ngga, Yesu andǝ alaggana male nying Urǝshalima sǝ à o arǝ aɓea muna-la aɓa nzali Yahudi. À kya pakkia anonggeo kam, aban pakki aɓwana batisǝma.

Yohana 4:2

(Aɓa mǝsǝcau ka, Yesu nǝ ɓamuri ka pakki kǝɓwa batisǝma ɗang, alaggana male na à pakkiyi ka.)

Yohana 4:33

Sǝ alaggana male kutia ɗiki rǝia ama, “Kǝ ɓwa yinǝì wi nǝ girlina le?”

Yohana 4:8

(Anggo ka alaggana male warina a kúr girlina aɓa là.)

Yohana 6:12

Anzǝm mǝnana à ɗǝmnggina kat ka, pǝlǝa Yesu ne alaggana male ama, “Wu ramnggi acili girlina mǝnana à ué ka ace mǝnana kǝgir ɓǝ̀ kǝa kìɗìkì ɗang.”

Yohana 6:16

Lang pwari kpana ka, alaggana mala Yesu kuti aban ká a kun garang.

Yohana 6:60

Amǝkpate pas ok man yì cau ka sǝ à na ama, “Man yi kanigir ka kwanǝna, yana nǝ̀ gandǝ é?”

Yohana 6:66

Ace cau mǝnana Yesu na ka, twal àkǝ̀ pwari mǝno ka, amǝkpate pas nyari te, à o à ɗeki.

Yohana 6:67

Yesu pǝlǝ rǝi aban alaggana male mana lum-nong-ɓari ka sǝ ɗia ama, “Sǝ wun ngga, wu nǝ̀ o gbal le?”

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Yohana 6:71

Yahuda muna mala Shiman Iskariyoti, nda ɓwa mǝnana Yesu nakiyi cau amuri ka. Kat andǝ amani ama nda aɓalǝ alaggana male mǝnana lum-nong-ɓari ka, yì nda ɓwa mǝnana nǝ̀ ngga me ka.

Yohana 6:8

Sǝ ɓeɓwa mwashat aɓalǝ alaggana male, Andǝru mǝ'eam Shiman Bitǝrus, ne Yesu ama,

Yohana 7:3

amǝ'eam Yesu ne wi ama, “Kyane a bu-nzali Yahudi, ace mǝnana ɓǝ̀ alaggana mo ɓǝa kya sǝn agir-ndali mǝnana a kǝ pea ka.

Amǝ Mishan 11:26

Lang kumǝni ka, twali wari nǝi a Antiyok. Yia kǝm à pak pǝlǝa mwashat aban amǝkwaɗi aban kani aɓwana pas cau mala Ɓakuli. Àkǝ̀ Antiyok sǝ à tita tunǝ amǝkwaɗi ama a Kǝrǝsta.

Amǝ Mishan 11:29

Pǝlǝa amǝkwaɗi nea rǝia ama, koyan aɓalǝia ka ɓǝ̀ pa ɓoro mana nǝ̀ gandǝi ka, ɓǝa tasǝi ace pa gbasha aban amǝ'eamrǝarǝu mana a nzali Yahudi ka.

1 Amǝ Korinti 10:31

Sǝ ko ɓǝ̀ girlina na a nǝ li, ko a nǝ nu ka, ko ɓǝ̀ mana a nǝ pak kat ka, pe ace gusǝlǝ lullǝ Ɓakuli.

1 Amǝ Korinti 7:39

Mɓwama ka, nda ɓata kùrban mala nzongcau mala doɓala, ɓǝ̀ burri nanǝ yilǝmu piu ka. Sǝ ɓǝ̀ burri pak lú ka, yì ka, nǝ̀ gandǝ al ɓe ɓwabura mǝnana kat earkiyice ka. Sǝ dumǝna púp, ɓwa mǝnana kat nǝ̀ eare nǝ̀ ali ka, nǝ̀ do ama mǝkwaɗi na.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

Amǝ Ibǝru 13:4

Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

Sǝna 3:20

Sǝni! Mǝ ndya ǝn came a kunkurǝm ǝn nggǝ pak kou ka! Ɓwa mǝnana kat ok giem sǝ mǝn kunkurǝm ngga, mǝ nǝ kutio ate, sǝ sǝm nǝ̀ lili a tarǝ sǝm sǝnǝi, kǝla agyajam.