Yohana 2:16 - Maləmce Məfele mala Ɓakuli: Kurcau Məbəshe

¹⁶ Sǝ ne amǝ makki akutu ama, “Wu pusǝ agir mǝnia ka aban man! Wu kǝa nyesǝ Ɓala mala Tárram ɓǝ̀ duk limo ɗang!”

Yohana 2:16 ပူးပေါင်းရင်းမြစ်များ

Matiu 21:12

Lang Yesu kutio aɓa Ndàmǝgule mala Ɓakuli ka, pǝr amǝkuro andǝ amǝ makkiagir, ramnggita atebǝl mala amǝ nggaɗi boalo, sukkia, andǝ abuno mala amǝ makkia kutumurǝm.

Matiu 21:13

Nea wia ama, “Malǝmce mala Ɓakuli bangŋa ama, “ ‘Ɓala mem ngga à nǝ̀ tunǝi ama ndà ace pak hiwi,’ sǝ wu nyesǝi duk mpu mala amǝ'ɓǝmbǝriban!”

Matiu 22:5

Amǝnia yì aɓwana à tunǝia ka à tsǝk kiria ɗang, à kutia pakkia agir malea mana ɓoaria wia ka. Ɓe ɓwa ka o a ɓaban male, sǝ ɓeɓwa ka o aban kurkuro male.

Markus 11:17

Pǝlǝa tita kania wia gir. Nea wia ama, “À gilǝ mbo a Malǝmce ama, ‘Ɓala mem ngga, à nǝ̀ tunǝi ama ɓala hiwi ace aɓwana arǝ anzali kat,’ sǝ wu ngga, wu nyesǝi pǝlǝ npu mala amǝ'ɓǝmbǝriban!”

Luka 2:49

Yesu ɗia ama, “Ace mana sǝ wu altam? Wu sǝlǝ mbak ama dumǝnam púp mǝ pa a ɓala mala Tárram a kun turo male?”

Yohana 10:29

Tárram mǝnana pam mia ka kuti koyan ngga nǝ rǝcandǝa. Kǝɓwa pà nǝ̀ gandǝ ea a rǝì ɗang.

Yohana 2:15

Pǝlǝa Yesu peau nkamso nǝ nggur sǝ pǝria kat, andǝ anzur, andǝ andá, ɓǝa puri Ndàmǝgule mala Ɓakuli. Sǝ ndǝlǝkí agir, mesǝki amǝsǝ-boalo mala amǝ nggaɗi boalo.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Yohana 5:17

Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 8:49

Pǝlǝa Yesu nea wia ama, “Ən panǝ kukwar a rǝam ɗang. Ən nggǝ pe Tárram gulo sǝ wu kǝ nyesǝam ɓà.

1 Timoti 6:5

Amǝnia yia aɓwana ka à nda aɓa yinǝ do mǝɓike koya pwari ka. Ɓabumia pǝndǝkina nǝ ɓealɓikea andǝ ɗwanyi kpata gir a njari andǝ mǝsǝcau. Abania ka, kpata Ɓakuli ka, njar mala ram gǝna na.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.