Yohana 19:6 - Maləmce Məfele mala Ɓakuli: Kurcau Məbəshe

⁶ Lang agbani pǝris andǝ amǝyal Ndàmǝgule nǝ̀ sǝni ka, à loasǝ gia a kuli à na ama, “Gballì a nggun-gangndi! Gballì a nggun-gangndi!” Bilatus na ama, “Wu twali la, wu kya gballì a nggun-gangndi nǝ ɓamur rǝ wun! Acemǝnana mim ngga ǝn kumi nǝ ɓe kǝ cauɓikea ɗang.”

Yohana 19:6 ပူးပေါင်းရင်းမြစ်များ

Matiu 26:58

Bitǝrus ka kpata Yesu a nzǝmo kuko aban ká a ɓala mala Pǝris Mǝgule. Yi kutio sǝ do ata amǝyalban nǝ̀ sǝn gir mana à nǝ̀ pakki Yesu ka.

Matiu 27:22

Bilatus pǝlǝa ɗia ama, “Sǝ Yesu mana à tunǝki ama Kǝrǝsti ka, mana ɓǝ̀ ǝn pang nǝi?” À loasǝ gia kat ama, “Ɓǝa gballì a nggun!”

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Luka 23:4

Pǝlǝa Bilatus ne agbani pǝris andǝ aɓwana ama, “Ən kum kǝgir mǝɓane arǝ mǝnia yì ɓwa ka ɗang.”

Yohana 18:3

Agbani Pǝris andǝ amǝ Farisi tasǝ amǝyal Ndàmǝgule mala Ɓakuli andǝ aɓea soje mala amǝ Roma, ɓǝa kyane ata Yahuda aban mǝnana Yesu nakam ngga. À kur rǝia nǝ agirbura, sǝ à bwal bǝsa arǝ aɓukan, andǝ apitǝla, pǝlǝa à puro à yì tusǝo a ɓabanì.

Yohana 18:31

Bilatus pǝlǝa banggia wia ama, “Ɓǝ̀ nda anggo ka, wu um nǝi, wu kya ɓashi wi nǝ nggurcau ma'wun la.” Pǝlǝa amǝ Yahudi eare ama, “Sǝm pà nǝ́ rǝcandǝa mala kasǝ ɓashi lú amur kǝɓwa ɗang.”

Yohana 18:38

Pǝlǝa Bilatus ɗi ama, “Mana nda mǝsǝcau?” Bilatus nyare puro aban amǝ Yahudi sǝ banggia wia ama, “Mim ngga ǝn kumi nǝ ɓe kǝ cauɓikea ɗang!

Yohana 19:15

Kara yia kat à lo a rǝì gǝu ama, “Wali ɓǝ̀ wu! Wali ɓǝ̀ wu! Gballì a nggun-gangndi!” Bilatus ɗia ama, “Mana! Wu earce ɓǝ̀ ǝn gballì murǝm ma'wun a nggun le?” Pǝlǝa agbani pǝris malea ear ama, “Kǝ murǝm pa a bu sǝm ɗang, she kǝ Kaisar Mǝtala nzali mala amǝ Roma!”

Yohana 19:4

Bilatus pǝlǝa pur ɗǝm aban aɓwana-mǝgule mala amǝ Yahudi sǝ nea wia ama, “Wu kwaki kir wun! Mǝ ndo mǝ nǝ pusǝì, mǝ nǝ yinǝi aban wun, sǝa ma wu sǝlǝ ama mim ngga ǝn kumi nǝ ɓe kǝ cauɓikea ɗang.”

Amǝ Mishan 2:23

Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,