Yohana 19:4 - Maləmce Məfele mala Ɓakuli: Kurcau Məbəshe

⁴ Bilatus pǝlǝa pur ɗǝm aban aɓwana-mǝgule mala amǝ Yahudi sǝ nea wia ama, “Wu kwaki kir wun! Mǝ ndo mǝ nǝ pusǝì, mǝ nǝ yinǝi aban wun, sǝa ma wu sǝlǝ ama mim ngga ǝn kumi nǝ ɓe kǝ cauɓikea ɗang.”

Yohana 19:4 ပူးပေါင်းရင်းမြစ်များ

Matiu 27:19

Lang Bilatus na ban do amur buno ɓashi ka, mami turi ban nǝ cau ama, “Pusǝki abuo, nying ɓwa mǝno andǝa kunpwasǝa male, acemǝnana ǝn tanni a lorǝo kǝrkǝr yalung ata cau male.”

Matiu 27:24

Lang Bilatus sǝni pà nǝ̀ gandǝ pak kǝgir raka, sǝ ɗǝm ngga aɓwana no à nǝ̀ loasǝ munǝo a kusǝ ce ka, twal mur laki abui a ɓamǝsǝ aɓwabunda. Na ama, “Buam pa ɓa nkila mala mǝnia yì ɓwa ka ɗang. Mana ka ma'wun na!”

Matiu 27:4

Nea wia ama, “Ən pangŋǝna cauɓikea, mana ǝn mak ɓwa mǝnana pak ɓe kǝ cauɓikea raka.” À pǝlǝa à ne wi ama, “Man oasǝ sǝm aɓa mǝno ka? Mana ka mona nǝmurǝo.”

Matiu 27:54

Lang ɓwamǝgule mala asoje andǝ asoje mǝno à tamsǝia yal Yesu sǝn dǝurǝo mala nzali andǝ agir mana à pak kat ka, ɓangciu pakkia wia, sǝ à na ama, “Ɓafo, ɓwa man ngga Muna mala Ɓakuli na.”

Luka 23:4

Pǝlǝa Bilatus ne agbani pǝris andǝ aɓwana ama, “Ən kum kǝgir mǝɓane arǝ mǝnia yì ɓwa ka ɗang.”

Luka 23:41

Ma'sǝm ngga à kasǝa sǝm ɓashi amur mǝsǝcau gir mǝnana sǝm pe ka. Sǝ mǝnia yì ɓwa ka pak kǝ mǝɓane ɗang.”

Luka 23:47

Ɓwamǝgule soje sǝn gir mǝnana kum ban ngga, ɓwangsǝ Ɓakuli, na ama, “Ɓafo na, mǝnia yì Ɓwa ka Mǝɓealɓoarna na.”

Yohana 18:33

Pǝlǝa Bilatus nyare aɓa palta male sǝ turban ɓǝa kuti nǝ Yesu abani. Ɗi Yesu ama, “A nda murǝm mala amǝ Yahudi le?”

Yohana 18:38

Pǝlǝa Bilatus ɗi ama, “Mana nda mǝsǝcau?” Bilatus nyare puro aban amǝ Yahudi sǝ banggia wia ama, “Mim ngga ǝn kumi nǝ ɓe kǝ cauɓikea ɗang!

Yohana 19:6

Lang agbani pǝris andǝ amǝyal Ndàmǝgule nǝ̀ sǝni ka, à loasǝ gia a kuli à na ama, “Gballì a nggun-gangndi! Gballì a nggun-gangndi!” Bilatus na ama, “Wu twali la, wu kya gballì a nggun-gangndi nǝ ɓamur rǝ wun! Acemǝnana mim ngga ǝn kumi nǝ ɓe kǝ cauɓikea ɗang.”

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

1 Bitǝrus 1:19

Nda nǝ nkila mǝɓoarne mala Kǝrǝsti, Mǝgam mala Ɓakuli, mǝnana cauɓikea ko kǝgir mǝɓane pa a rǝì raka.

1 Bitǝrus 2:22

“Yì ka, pak kǝ cauɓikea ɗang, sǝ swarkiban pa a kuni ɗang.”

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.