Yohana 19:28 - Maləmce Məfele mala Ɓakuli: Kurcau Məbəshe

²⁸ Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Yohana 19:28 ပူးပေါင်းရင်းမြစ်များ

Luka 12:50

Mǝ ndanǝ batisǝma mala tanni mǝnana à nǝ̀ pakkam ngga, ado ka ndaban pisǝam a ɓalǝam, she ɓǝa pangŋǝni ka.

Luka 18:31

Yesu tunǝ alaggana male, aman lum-nong-ɓari ka a giriban, sǝ nea wia ama: Wu sǝni sǝm ndo sǝm nǝ̀ ká a Urǝshalima, sǝ agir mǝnana kat amǝ'ɓangna mala Ɓakuli gilǝì amur Muna Mala Ɓwa ka à nǝ̀ lumsǝo.

Luka 22:37

Mǝ ndaban bangga wun ama cau mǝnana à gilǝì aɓa Malǝmce ama, ‘À oasǝi ata amǝ'cauɓikea’ ka, nǝ̀ lumsǝo a muram pup. E, gir mǝnana à gilǝì a muram ngga nda kǝ yiu a lumsǝo ka.”

Luka 9:31

À pusǝ rǝia aɓa ɓoarɓwa mala kuli, aban na cau andǝ Yesu. À bang cau amur lú male, mǝnana nǝ̀ yia lumsǝo a Urǝshalima ka.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Yohana 18:4

Sǝ Yesu ka angŋa dǝmbǝa sǝlǝna gir mǝnana nǝ̀ kumi ka, pǝlǝa puro cam a ɓadǝmbǝia, sǝ ɗia ama, “Yana ɓwe na wu alkite?”

Yohana 19:24

Pǝlǝa à nea rǝia ama, “Ɓǝ̀ sǝm ngga na ama sǝm nǝ̀ sanggi daura man ɗang, a kun mani ka ɓǝ̀ sǝm kocàca amuri, ɓwa mǝnana li ka ɓǝ̀ twali.” Mǝnia yì gir ka yi pa anggo ace mǝnana ɓǝ̀ lumsǝ cau mala Ɓakuli mǝnana bangŋa ama, “À gakia rǝia adaura mem sǝ à kocàca ace nggea-daura mem.” Mǝnia ka nda gir mǝnana asoje pe ka.

Yohana 19:30

Lang Yesu sonzǝ mur anap nì ka, na ama, “Malǝna!” Pǝlǝa dili muri sǝ pa yilǝmi.

Yohana 19:36

Mǝnia yì gir ka pa anggo ace mǝnana ɓǝ̀ lumsǝ cau mala Ɓakuli mǝnana à gilǝì aɓa Malǝmce ama, “À pà nǝ̀ ɓun mu kǝ bare ɗang.”

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Amǝ Mishan 13:29

Lang à lumsǝna gir mana kat à gilǝ amuri ama à nǝ̀ pakki wi ki ka, pǝlǝa à sulǝi nggun-gangndi, à kya ci a ɓembe.