Yohana 19:19 - Maləmce Məfele mala Ɓakuli: Kurcau Məbəshe

¹⁹ Bilatus gilǝgir arǝ gbǝlang kpamgbang sǝ tsǝa à gballì arǝ nggun-gangndi amur Yesu. Cau mǝnana gilǝ ka nda, “Yesu Ɓwa Nazarat, Murǝm Mala Amǝ Yahudi.”

Yohana 19:19 ပူးပေါင်းရင်းမြစ်များ

Matiu 2:23

Nda à wario à kya do a ɓekǝ la mǝnana à tunǝki ama Nazarat ka. Mǝnia ka nda lumsǝ cau mala amǝ'ɓangna mala Ɓakuli mana ama, “À nǝ̀ tunǝi ama ɓwa Nazarat.”

Matiu 27:37

À gilǝ cau mana à ɓashi wi nǝi ka sǝ à gballì arǝ nggun amuri, ama: ƁWA MƏNIA KA NDA YESU, MURƏM MALA AMƏ YAHUDI.

Markus 15:26

Cauɓikea mana à bangŋa ama pak ka, à gilǝì a kuli amuri arǝ nggun-gangndi ama: “MURƏM MALA AMƏ YAHUDI”

Luka 18:37

À pǝlǝa à ne wi ama, “Yesu ɓwa Nazarat na kǝ kuti ka.”

Luka 23:38

Amuri a kuli arǝ kpamgbang ngga, à gilǝ amǝnia yì acau ka: “ƁWA MƏNIA KA NDA MURƏM MALA AMƏ YAHUDI.”

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 18:33

Pǝlǝa Bilatus nyare aɓa palta male sǝ turban ɓǝa kuti nǝ Yesu abani. Ɗi Yesu ama, “A nda murǝm mala amǝ Yahudi le?”

Yohana 19:12

Lang Bilatus ok mǝnia yì cau ka, pǝlǝa ɓariki nǝ̀ alta njargula mǝnana nǝ̀ pusǝna Yesu nǝi ka. Sǝ aɓwana-mǝgule mala amǝ Yahudi ka, à loasǝ gia bang-bang ama, “Ɓǝ̀ a panzǝ ɓwa mǝnia sǝ au ka, lǝmndǝ ama a nda gyajam mala Kaisar, Mǝtala nzali ɗang! Acemǝnana ɓwa mana kat twal ɓamuri ama yì ka, murǝm na ka, ɓwe ka mǝ'mgbicau na arǝ Mǝtala nzali!”

Yohana 19:14

Anggo ka pwarizǝkia gbashina a pwari gilǝrǝu ace Lamsan Yalimuru. Pǝlǝa Bilatus banggi amǝ Yahudi ama, “Wu sǝni, murǝm ma'wun nia ka!”

Yohana 19:21

Sǝ agbani pǝris wari aban Bilatus à kya banggi wi ama, “Kǝa gilǝ ama, ‘Yì ka, nda Murǝm mala amǝ Yahudi’ ɗang. Ɓoaro male ka à nǝ̀ gilǝ ama, ‘Ɓwa mǝnia ka bangŋa ama, yì nda Murǝm mala amǝ Yahudi.’ ”

Yohana 19:3

sǝ à kǝ nyarke a ɓadǝmbǝi à kǝ ne wi cau ɓangginǝban ama, “Ɓǝ̀ rǝo pwalo, we murǝm mala amǝ Yahudi!” Sǝ à nǝ̀ koe a ɓamǝsǝi nǝ ɓabuia.

Amǝ Mishan 26:9

Ɗiɗyal ka mim nǝ ɓamuram, ǝn nggǝ sǝni nǝma mǝ nǝ pak agir kat mǝnana nǝ̀ tamsǝ lidǝmbǝa mala lullǝ Yesu, ɓwa Nazarat ka.

Amǝ Mishan 3:6

Sǝ Bitǝrus banggi wi ama, “Ən panǝ boalo mǝ nǝ po ɗang. Sǝa ma gir mǝnana mǝ ndanǝi ka nda ǝn nggǝ po ka. Aɓa lullǝ Yesu Kǝrǝsti ɓwa Nazarat, lo sǝ wu gya!”