Yohana 19:17 - Maləmce Məfele mala Ɓakuli: Kurcau Məbəshe

¹⁷ À tsǝki wi nggun-gangndi mǝnana à nǝ̀ ká gballì amuri ka, a meali, sǝ pur aban ká aban mǝnana à kǝ tunǝi ama “Ban kpouloɓamuru” ka. Nǝ kun Ibǝru ka, à tunǝ banì ama, “Golgota.”

Yohana 19:17 ပူးပေါင်းရင်းမြစ်များ

Matiu 10:38

Ɓwa mǝnana twal nggun-gangndi male sǝ yiu atam raka, kārǝa nǝ̀ duk mǝkpatam ɗang.

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Matiu 27:37

À gilǝ cau mana à ɓashi wi nǝi ka sǝ à gballì arǝ nggun amuri, ama: ƁWA MƏNIA KA NDA YESU, MURƏM MALA AMƏ YAHUDI.

Markus 10:21

Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.”

Markus 15:26

Cauɓikea mana à bangŋa ama pak ka, à gilǝì a kuli amuri arǝ nggun-gangndi ama: “MURƏM MALA AMƏ YAHUDI”

Markus 15:32

Ɓǝ̀ yì nda Kǝrǝsti, Murǝm mala amǝ Isǝrayila ka, ɓǝ̀ sulǝi mur nggun-gangndi adyan! Ɓǝ̀ sǝm sǝni, sǝ sǝm nǝ̀ paɓamur sǝm abani.” Aɓwana mǝnana à gballia andǝia ka, yia gbal ka à sanggì.

Markus 8:34

Pǝlǝa tunǝ ɓwabunda, andǝ alaggana male, nea wia ama: Ɓǝ̀ ɓwa twal ama nǝ̀ duk mǝkpatam ngga, dumǝna púp ɓwe nǝ̀ nying kpata agir mala ɓamuri. Ɓwe nǝ̀ twal takusǝam aɓa gandǝrǝu mala nutanni andǝ lú ulang mem amur nggun-gangndi, sǝ nǝ̀ yiu atam arǝ aban kat mǝnana mǝ nǝ ká akàm ngga.

Luka 14:27

Sǝ ɓǝ̀ ɓwa twal nggun-gangndi male yiu atam raka, pà nǝ̀ gandǝ duk mǝkpatam ɗang.

Luka 23:26

Lang à nunggina Yesu aban o ka, à kya kum Shiman ɓwa Sayirin, pur nǝ ɓabondo nǝ̀ ká aɓa là. À bwali à parri wi nggun-gangndi a muri, sǝ à ci ɓǝ̀ twali, ɓǝ̀ kpa nǝi ata Yesu.

Luka 23:33

Lang à yì bwalǝna ban mǝnana à tunǝki ama, Nkpoula Ɓamuru ka, pǝlǝa à gballì Yesu kam amur nggun-gangndi, a tarǝia andǝ amǝ'ɓealɓikea mǝnia ɓari ka, mwashat ata bui mǝli, sǝ man mwashat ka, ata bui mǝnggare.

Luka 23:38

Amuri a kuli arǝ kpamgbang ngga, à gilǝ amǝnia yì acau ka: “ƁWA MƏNIA KA NDA MURƏM MALA AMƏ YAHUDI.”

Luka 9:23

Pǝlǝa nea aɓwana kat ama, “Ɓwa mǝnana kat kǝ earce yiu atam ngga, nǝ̀ ɓinǝ ɓamurì, nǝ̀ twal nggun-gangndi male ko aya pwari ka nǝ̀ kpatam.

Yohana 19:13

Lang Bilatus nǝ̀ ok cau mǝno ka, pǝlǝa pusǝ Yesu a banfana sǝ eauwe do amur buno ɓashi mǝnana à kǝ tunǝi ama, “Ban múr tali” ka. (Nǝ kun Ibǝru ka à kǝ tunǝi ama, “Gabbata.”)

Yohana 5:2

Aɓa Urǝshalima ka, ɓe guguri nakam a Kun njar mala anzur mǝnana à tunǝki nǝ kun mala amǝ Yahudi ama Beseda ka. À gumbǝli nǝ atara tongno.

Amǝ Mishan 7:58

À bwali à nunggi, à pusǝì anzǝm nggeala, sǝ à tita ɓukki nǝ atali. Anggo ka, aɓwana mǝnana à tsǝki wi cau a rǝì ka, à nongsǝ anggea-daura malea aban ɓe mǝlagga lullǝi ama Sawul.