Yohana 19:11 - Maləmce Məfele mala Ɓakuli: Kurcau Məbəshe

¹¹ Yesu eari wi ama, “A pà nǝ kum rǝcandǝa a muram ɗang, yi mǝnana ɓǝ̀ Ɓakuli pa mo raka. Ace mǝno ka, ɓwa mǝnana tasǝam aɓa buo ka, cauɓikea male gulo kuti mo.”

Yohana 19:11 ပူးပေါင်းရင်းမြစ်များ

Matiu 26:65

Kara Pǝris mǝgule bwal daura male sanni sǝ na ama, “Nyesǝna ɓamuri kǝla Ɓakuli! Ya cau nani sǝm alkiyite amuri nǝ̀ kuti mǝnia? Wu ongŋǝna cau ɓǝsǝki Ɓakuli mǝnana pur a kuni ka.

Matiu 27:2

À taka bui sǝ à um nǝi aban Bilatus ɓwa Roma, nggwamna mala bu-nzali Yahudi.

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Markus 14:44

Ɓwa mǝnana me, yì Yahuda ka, angŋa dǝmbǝa kanǝnìa wia ama, “Ɓwa mǝnana mǝ nǝ kùrrì zǝp ka, nda kǝ ɓwe. Wu bwali, wu ta bui kàngkàng, wu um nǝi.”

Luka 22:53

Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Yohana 18:13

A tadǝmbe ka à umnǝ Yesu a ɓadǝm Annas, nkil Kayafas, yì Pǝris Mǝgule a mǝno yì pǝlǝa ka.

Yohana 18:3

Agbani Pǝris andǝ amǝ Farisi tasǝ amǝyal Ndàmǝgule mala Ɓakuli andǝ aɓea soje mala amǝ Roma, ɓǝa kyane ata Yahuda aban mǝnana Yesu nakam ngga. À kur rǝia nǝ agirbura, sǝ à bwal bǝsa arǝ aɓukan, andǝ apitǝla, pǝlǝa à puro à yì tusǝo a ɓabanì.

Yohana 19:10

Bilatus banggi wi ama, “A pà nǝ nam cau ɗang? A sǝlǝ mbak ama mǝ ndanǝ rǝcandǝa mǝ nǝ panzǝo, ko mǝ nǝ tsǝa ɓǝa gballio a nggun-gangndi?”

Yohana 3:27

Pǝlǝa Yohana na ama: Ɓakuli na kǝ pe ɓwa turo mǝnana nǝ̀ pak ka.

Yohana 7:30

Lang Yesu bangŋǝna cau man anggo ka, aɓwana-mǝgule mala amǝ Yahudi ɓariki ama à nǝ̀ bwali, sǝ kǝɓwa tsǝk bu a rǝì ɗang, acemǝnana pwari male malaká pak ɗang.

Yohana 9:41

Sǝ Yesu pǝlǝia wia ama, “Ɓǝ̀ wu nda ka nte ka, ɓǝ́ mur wun pà nǝ̀ halǝki wun arǝ acauɓikea ma'wun ɗang. Sǝ mǝno ado wu ne nǝ ɓamurǝ wun ama wun nǝ̀ nggǝ sǝnban ngga, lǝmndǝna ama, cauɓikea ma'wun na kam amur wun piu.”

Amǝ Mishan 2:23

Ɓakuli surǝna rǝ gir mǝnana nǝ̀ kumban ngga, sǝ nǝ kani male, sǝ wu mak Yesu aban aɓwana mǝnana amǝ Yahudi na raka, amǝ ɗwanyi kpata Nggurcau, mǝnana à yì gballì amur nggun-gangndi, à wal-lui ka.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Mishan 4:28

Sǝ gir mǝnana yia à pak kat ka, nda gir mǝnana we, aɓa rǝcandǝa andǝ kane mo ka, a tsǝa ama anggo sǝ nǝ̀ yia pa.

Amǝ Roma 11:36

Agirbunda kat ka, à pur nǝ bani, sǝ nǝ rǝcandǝa male sǝ agir kat pa, sǝ à nda ace gulo male. Gulo kat ka, ɓǝ̀ duk male masǝlǝate pà kàm ɗang! Amin.

Amǝ Roma 13:1

Ko ya ɓwa ka ɓǝ̀ nyesǝ ɓamuri aɓata aɓwana mǝnana à pea wia gara yalban ngga, acemǝnana ɓe kǝ garamurǝm pà kàm mǝnana pur nǝ ban Ɓakuli raka ɗang; sǝ aɓwana mǝnana à bwalkiyi garamurǝm ado ka, Ɓakuli nǝ̀ cia.

Jemis 1:17

Koya ɓoro mǝɓoarne, mǝɓafoe ka, sulǝ nǝ kuli, nǝban Ɓakuli Tarrû mǝnana pak atalaban ngga, mǝnana ɓǝ̀ pǝlǝa aya bui ka kǝ nggaɗi ɗang sǝ kǝ tur pǝndǝa raka.

Jemis 4:17

Ace mani ka, ɓwa mǝnana surǝna rǝgir mǝɓoarne mǝnana ɓoaro ɓǝ̀ pa sǝ pe raka, pangŋǝna cauɓikea.