Yohana 18:8 - Maləmce Məfele mala Ɓakuli: Kurcau Məbəshe

⁸ Yesu eare ama, “Ən nanà wun nǝma Mǝ Nda. Sǝ ɓǝ̀ mǝ nda wu alkiyitam ngga, wu ɗeki alaggana mem mǝnia ka ɓǝa o.”

Yohana 18:8 ပူးပေါင်းရင်းမြစ်များ

Matiu 26:56

Sǝ mǝnia kat ka pâ ace lumsǝ cau mǝnana amǝ'ɓangna mala Ɓakuli gilǝa a Malǝmce male ka.” Nda alaggana male kat ɓangŋa à ɗeki nǝmurǝì ka.

Yohana 10:28

Ən nggǝ pea wia yilǝmu mǝnana málá male pà kàm raka, sǝ à pà nǝ̀ kiɗiki à nǝ̀ ueɓà ɗang. Kǝɓwa pà nǝ̀ fea a buam ɗang.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 13:36

Shiman Bitǝrus ɗi Yesu ama, “Mǝtalabangŋo, a nǝ ká a ke le?” Yesu eari wi ama, “Ado ka a pà nǝ gandǝ ká atam aban mǝnana mǝ nǝ ká kam ngga ɗang, sǝ nǝ nzǝmo ka a nǝ gandǝ yiu atam.”

Yohana 16:32

Wu sǝni, pwari na kǝ yiu ka, yale nggearǝ pwari nì yina, yì mǝnana wun kat ka, wu nǝ̀ mesǝke, ko yan ngga nǝ̀ bwal njar male, wu nǝ̀ ɗekiam nǝmurǝam. Sǝ ǝn pa gbal nǝmurǝam ɗang, acemǝnana Tárram na atam.

Yohana 18:7

Pǝlǝa Yesu nyare ɗia ama, “Yana ɓwe na wu alkiyite le?” À eare ama, “Yesu Ɓwa Nazarat.”

Yohana 18:9

Mǝnia ka pa anggo ace mǝnana cau mana pur a kuni ka ɓǝ̀ lumsǝo, mǝnana ama, “Dâ, aɓalǝ aɓwana mǝnana a pam ngga, ǝn turta kǝɓwa mwashat ɗang.”

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

2 Amǝ Korinti 12:9

Sǝ koya zǝmbǝa ka, kǝ earam ama, “Ɓwamuru mem nda kǝgir mǝnana à kǝ earce ka. Rǝcandǝa mem kǝ pak turo pepe aɓa rǝwukya.” Ace mani ka, ban kǝ ɓoaram, mǝ nǝ nggori nǝ rǝwukya mem ace mǝnana ɓǝ̀ rǝcandǝa mala Kǝrǝsti ɓǝ̀ pakturo nǝ mim ngga.

Amǝ Afisu 5:25

Wun aburana ka, wu earce amālá wun, kǝla mǝnana Kǝrǝsti earce ikǝlisiya, yia amǝkpate, sǝ pa yilǝmi kat ace ka.

1 Bitǝrus 5:7

Gir mǝnana kat kǝ pisǝ bum wun ngga, wu nyinggi Ɓakuli a bui, acemǝnana yì ka, kǝ ɗenyi nǝ wun.