Yohana 18:4 - Maləmce Məfele mala Ɓakuli: Kurcau Məbəshe

⁴ Sǝ Yesu ka angŋa dǝmbǝa sǝlǝna gir mǝnana nǝ̀ kumi ka, pǝlǝa puro cam a ɓadǝmbǝia, sǝ ɗia ama, “Yana ɓwe na wu alkite?”

Yohana 18:4 ပူးပေါင်းရင်းမြစ်များ

Matiu 16:21

Twal a pwari mǝno ka Yesu tita mǝnggi alaggana male ɓa cau ama, “Dumǝna púp mǝ nǝ ká a Urǝshalima, mǝ nǝ ká nu tanni kǝrkǝr a bu aɓwana-mǝgule, agbani pǝris andǝ amǝkani nggurcau. À nǝ̀ wal-luem, sǝa ma a tāruia nongŋo ka mǝ nǝ loapi ɓembe nǝ yilǝmu.”

Matiu 26:2

“Wu sǝlǝna ama ueo nongŋo ɓari sǝ Lamsan Yalimuru nǝ̀ tite. Aɓalǝ amǝno yia apwari mala Lamsan ngga sǝ ɓeɓwa nǝ̀ ngga mak Muna mala Ɓwa, a bu aɓimǝbura, sǝ à nǝ̀ ngga gballì a nggun-gangndi.”

Matiu 26:21

À nda aban li ka, pǝlǝa nea wia ama, “Ɓafo ǝn nggǝ bangga wun, ɓeɓwa aɓalǝ wun nǝ̀ ngga mem.”

Matiu 26:31

Lang à nda amur nkono Olif ka, Yesu pǝlǝa ne alaggana male ama, “A ɓa dù man yalung ngga, wun kat wu nǝ̀ mǝsǝe, wu nǝ̀ ɗekiam. Mǝnia ka nda acemǝnana aɓa Malǝmce ka Ɓakuli bangŋa ama: “ ‘Mǝ nǝ wal yalgir, sǝ anzur mana a domwan ngga à nǝ̀ mesǝke.’

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 13:11

Yesu ka angŋa dǝmbǝa surǝna rǝ ɓwa mǝnana nǝ̀ ngga me ka. Nda gir mǝnana tsǝa sǝ bangŋa ama, “Wun kat sǝ wu fà ɗang.”

Yohana 18:5

À eare ama, “Yesu ɓwa Nazarat.” Banggia wia ama, “Mǝ Nda.” Yahuda, yì ɓwa mǝnana mak Yesu ka, nda aban came atea.

Yohana 18:7

Pǝlǝa Yesu nyare ɗia ama, “Yana ɓwe na wu alkiyite le?” À eare ama, “Yesu Ɓwa Nazarat.”

Yohana 19:28

Yesu sǝlǝna ama ado ka agir mǝnana kat Ɓakuli turi ɓǝ̀ yi pea ka, malǝna pea, sǝ ace mǝnana ɓǝ̀ cau mala Malǝmce mala Ɓakuli ɓǝ̀ lumsǝ ka, bangŋa ama, “Ən nggǝ ok mǝsamur.”

Yohana 6:64

Sǝ aɓea aɓwana ata wun ngga à earnǝ cau mem ɗang.” Yesu ka angŋǝna dǝmbǝa surǝna rǝ aɓwana mǝnana à earnǝi raka, andǝ ɓwa mǝnana nǝ̀ ngga me ka.

Amǝ Mishan 2:28

A lǝmndǝnam anjar mala yilǝmu, sǝ do mo abanam ngga ndá nǝ̀ lumsǝam nǝ banɓoarnado ka.”

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.