Yohana 18:37 - Maləmce Məfele mala Ɓakuli: Kurcau Məbəshe

³⁷ Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 18:37 ပူးပေါင်းရင်းမြစ်များ

Matiu 26:64

Yesu eare ama, “E, kǝ nda a bang ngga, sǝ ǝn nggǝ bangga wun kat, “ ‘A dǝmbǝa ka wu nǝ̀ sǝn Muna mala Ɓwa dumǝna ata bu-mǝli mala Ɓakuli Mǝtalabangŋo, aban yiu aɓalǝ apǝrɓang a bumkuli.’”

Matiu 27:11

Yesu yi came a ɓadǝm Bilatus ɓwa Roma, nggwamna amur bu-nzali Yahudi. Nggwamna ɗi ama, “A nda murǝm mala amǝ Yahudi le?” Yesu eari wi ama, “E, nda kǝla mǝnana a bang ngga.”

Markus 14:62

Yesu ear ama, “Mǝ nda! “Sǝ pà nǝ̀ sau ɗang wu nǝ̀ sǝn Muna mala Ɓwa aban do, a buno mala rǝcandǝa, a bu-mǝli mala Ɓakuli, aban yiu aɓalǝ apǝrɓang nǝ kuli.”

Markus 15:2

Bilatus ɗi Yesu ama, “A nda murǝm mala amǝ Yahudi le?” Yesu eari wi ama, “E, kǝ ndo a ne ka.”

Luka 22:70

Pǝlǝa yia kat à sàrǝi ama, “A ndarǝ bangŋa ama a nda Muna mala Ɓakuli le?” Pǝlǝa pea wia eare ama, “Kǝ ndo wu na ka, Mǝ nda.”

Luka 23:3

Pǝlǝa Bilatus ɗi Yesu ama, “A nda murǝm mala amǝ Yahudi le?” Yesu eare ama, “Nda kǝla mǝnana à na ka.”

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:17

Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 3:32

Yì ka, yiu, yi bǝlkuni amur gir mǝnana sǝna sǝ ok ka, sǝ kǝɓwa ak cau male ɗang.

Yohana 7:17

Ɓwa mǝnana kat earǝna ama nǝ̀ pak gir mǝnana Ɓakuli earkiyi ce ka, nǝ̀ sǝlǝa ko kanigir mem ngga pur nǝ ban Ɓakuli, ko mala ɓamuram na ǝn nggǝ na ka.

Yohana 8:14

Sǝ Yesu nea wia ama: Ko ɓǝ̀ ǝn nakun ɓamuram ngga, cau mem ngga à nǝ̀ earnǝi, acemǝnana ǝn surǝna rǝ ban mǝnana ǝn pur kam ngga, sǝ ǝn surǝna rǝ ban mǝnana mǝ nǝ ká kam ngga. Sǝ wun ngga, wu surǝ ban mǝnana ǝn pur kam, andǝ ban mǝnana mǝ nǝ ká kam ngga ɗang.

Yohana 8:45

Sǝ acemǝnana ǝn nggǝ na mǝsǝcau ka wu earnǝ mim ɗang.

Yohana 8:46

Yana ata wun nǝ̀ lǝmndǝ bui arǝ kǝ cauɓikea mǝnana ǝn pe ka? Sǝ ɓǝ̀ mǝsǝcau na ǝn nggǝ bang ngga, mana tsǝa sǝ wu ginǝ earnǝ mim?

Yohana 8:47

Ɓwa mǝnana mala Ɓakuli na ka kǝ kwaki kiri arǝ cau mala Ɓakuli. Sǝ wun ngga wun ndaka mala Ɓakuli ɗang, nda gir mǝnana tsǝa sǝ wu kǝ kwaki kir wun a rǝì raka.

1 Timoti 6:13

Ado ka mǝ nda ban tsǝko nzongcau a ɓadǝm Ɓakuli mǝnana pākiyi ko man ngga yilǝmu, sǝ a ɓadǝm Kǝrǝsti Yesu, mǝnana nakuni pepe a ɓadǝm Buntu Bilatus ka.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Yohana 2:21

Ən pa aban gilǝa wun acemǝnana wu surǝ mǝsǝcau raka ɗang, wu surǝna rǝì, sǝ wu sǝlǝna ama mǝsǝcau kǝ ɓǝl nyir ɗang.

1 Yohana 3:14

Sǝm sǝlǝna ama sǝm auwuni lú, sǝm kutina aɓa yilǝmu, acemǝnana sǝm nggǝ lǝmndǝì amǝ'eamrǝarǝu earcearǝu. Sǝ ɓwa mǝnana pànǝ earceban raka, ɓwe ka, lú-ɓwa na.

1 Yohana 3:19

Anggo ka sǝ sǝm nǝ̀ sǝlǝ ama sǝm ndaka a mala mǝsǝcau, sǝ sǝm nǝ̀ kum rǝcandǝa mala ɓabum a ɓadǝm Ɓakuli.

1 Yohana 4:6

Sǝ sǝm ngga, sǝm ndaka mala Ɓakuli. Aɓwana mǝnana a mala Ɓakuli na ka, à kǝ ok sǝm. Sǝ aɓwana mǝnana a mala Ɓakuli na raka, à kǝ ok sǝm ɗang. Anggo sǝ sǝm surǝ gir mǝnana gakita Bangŋo mǝ'mǝsǝcau nì andǝ mǝ'nyirì ka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.

Sǝna 3:14

Gilǝî mǝturonjar mala ikǝlisiya mǝnana a Lawodisi ka ama: Mǝnia ka nda cautera mǝnana pur nǝ bani, yì ɓwa mǝnana nda Amin, mǝ'nakún mǝ'mǝsǝcau nì sǝ mǝɓafoe, mǝyalban amur agirbunda mǝnana Ɓakuli pusǝia ka.