Yohana 18:33 - Maləmce Məfele mala Ɓakuli: Kurcau Məbəshe

³³ Pǝlǝa Bilatus nyare aɓa palta male sǝ turban ɓǝa kuti nǝ Yesu abani. Ɗi Yesu ama, “A nda murǝm mala amǝ Yahudi le?”

Yohana 18:33 ပူးပေါင်းရင်းမြစ်များ

Matiu 27:11

Yesu yi came a ɓadǝm Bilatus ɓwa Roma, nggwamna amur bu-nzali Yahudi. Nggwamna ɗi ama, “A nda murǝm mala amǝ Yahudi le?” Yesu eari wi ama, “E, nda kǝla mǝnana a bang ngga.”

Matiu 27:27

Asoje mala nggwamna twal Yesu a um nǝi a banturo mǝgule malea sǝ à kya rambǝ acili asoje a kàrǝì a ɓalǝu.

Markus 15:2

Bilatus ɗi Yesu ama, “A nda murǝm mala amǝ Yahudi le?” Yesu eari wi ama, “E, kǝ ndo a ne ka.”

Luka 23:2

Pǝlǝa à tita tsǝki wi acau a rǝì ama, “Sǝm kum mǝnia yì ɓwa ka aban soakita aɓwana, ama ɓǝa kǝa pe Kaisar, murǝm mǝgule mala amǝ Roma, boalo-cemi ɗang. Ɗǝm ngga kǝ na ama, yì ka, nda Kǝrǝsti, Mǝ'amsǝban mǝnana Ɓakuli turi ka, sǝ kǝ ne rǝì ama murǝm na.”

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 12:13

Pǝlǝa à twalki ambu nkangga a buia sǝ à puro à nǝ̀ ngga kuli. À kǝ mak-gawan, à kǝ na ama, “Wu ɓwangsǝki Ɓakuli! Tsǝkbu mala Ɓakuli na amur ɓwa mǝnana kǝ yiu aɓa lullǝ Mǝtalabangŋo Ɓakuli ka! Tsǝkbu mala Ɓakuli na amur Murǝm mala amǝ Isǝrayila!”

Yohana 12:15

“Wun amǝ Siyona, ɓangciu ɓǝ̀ kǝa pakka wun ɗang! Murǝm ma'wun nia kǝ yiu anzǝm muna mǝndambǝritso ka!”

Yohana 18:34

Yesu eari wi ama, “Mǝnia yì ɗiban ngga, a twali a mala ɓamuro le ko aɓea ɓwana na à no cau a muram ngga?”

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 18:38

Pǝlǝa Bilatus ɗi ama, “Mana nda mǝsǝcau?” Bilatus nyare puro aban amǝ Yahudi sǝ banggia wia ama, “Mim ngga ǝn kumi nǝ ɓe kǝ cauɓikea ɗang!

Yohana 19:12

Lang Bilatus ok mǝnia yì cau ka, pǝlǝa ɓariki nǝ̀ alta njargula mǝnana nǝ̀ pusǝna Yesu nǝi ka. Sǝ aɓwana-mǝgule mala amǝ Yahudi ka, à loasǝ gia bang-bang ama, “Ɓǝ̀ a panzǝ ɓwa mǝnia sǝ au ka, lǝmndǝ ama a nda gyajam mala Kaisar, Mǝtala nzali ɗang! Acemǝnana ɓwa mana kat twal ɓamuri ama yì ka, murǝm na ka, ɓwe ka mǝ'mgbicau na arǝ Mǝtala nzali!”

Yohana 19:3

sǝ à kǝ nyarke a ɓadǝmbǝi à kǝ ne wi cau ɓangginǝban ama, “Ɓǝ̀ rǝo pwalo, we murǝm mala amǝ Yahudi!” Sǝ à nǝ̀ koe a ɓamǝsǝi nǝ ɓabuia.

Yohana 19:4

Bilatus pǝlǝa pur ɗǝm aban aɓwana-mǝgule mala amǝ Yahudi sǝ nea wia ama, “Wu kwaki kir wun! Mǝ ndo mǝ nǝ pusǝì, mǝ nǝ yinǝi aban wun, sǝa ma wu sǝlǝ ama mim ngga ǝn kumi nǝ ɓe kǝ cauɓikea ɗang.”

Yohana 19:9

Pǝlǝa nyesǝ Yesu wari nǝi aɓa palta ɗǝm sǝ ɗi ama, “We ka, a pur a ya ban le?” Sǝ Yesu ka duk kuni piu, pǝlǝi wi kǝ cau ɗang.

1 Timoti 6:13

Ado ka mǝ nda ban tsǝko nzongcau a ɓadǝm Ɓakuli mǝnana pākiyi ko man ngga yilǝmu, sǝ a ɓadǝm Kǝrǝsti Yesu, mǝnana nakuni pepe a ɓadǝm Buntu Bilatus ka.